دموع وسحابة

مدخل ..}

الا يابرد ياللي ساري ٍ في داخلي يختال
الا يا برد علمني علام الوقت ذا قتال

علام الهم يسكني .... ويذبحني سكونك ليه
ودامك باقي ٍ يابرد اكيد ان الحزن مازال

ويش اقول امن المَعاني في مِعاني

يسرد الدمعات في راعي المهابه
مابقى له في حياتي غير اماني

تصبح الايام من عقبه كآبه
ذقت مر البعد يوم الكل هاني

حالي من عقبه ترا كل ٍ درا به
انطوي كل ماذكره والحال شاني

من غيابه دمع عيني له صبابه
صادق ٍ بالود لا ماهو اناني

وين ما لديت واجهني سرابه ..!
والله اني مت يوم الله بلاني

في غياب اللي معذبني غيابه
وينه اللي مسكنه بين المحاني

وينه اللي ساحر ٍ قلبي شبابه
ردت طيوفه علي الكل فاني !!!!!!

ياعسى الله يرحمه ويحسن مآبه
مظلم ٍ هالكون // ليت انه خذاني

يوم راح ولا تركني مع عذابه
مابقى في هالمَعاني للمِعاني

غير طعن القلب ودموع وسحابه..!!

مخرج..{

دخيل الله يابرد ٍ عصف ثم زادت آلامي
كفايه لا تزيد الهم فيني ما تشوف الحال؟؟

انا من شفت بردك صرت اكتب بك معاناتي
كتبت الهم في قافي ورددت الحزن موال

نسمة عشق