خلينا اصحاب

خلينا كدة اصاحب

نسيتي العهد وهجرتي احـبـابـك

كان بينا وعد للابد نكون احـبــاب

رصاص سلاحك صابـك

وانا بخير ما عدت منصاب

انتي ايه بس الي جابك

روحي للي للجواهر جاب

زمان كنت من احبابك

ودلوقت مننفعش احباب

اعتبريني من اصحابك

خلينا كدة اصاحب

رفضي رجوعك ازهلك وخلي الخجل اذابك

تعزبي شوية ودوبي انا ياما قلبي داب

يوم ماشفتي الدهب كشرتي عن انيـابـك

ورجعالي زليلة وتتكبري عليه ما وقعت الأنـيـاب

نسيتي يوم ماتشوفيني وتزيدي في ترحابك

انا كنت ان شفتيني تقابليني بالترحاب

جياني طالبه وفائي صاحية بس لحسابـك

طيب وسنين عزابي ملهاش عندك حـسـاب

عرفيني سبب هجرك وبعدين اسمع عـتـابــك

تهجريني من غير سبب وتطالباني اسمع العـتـاب

كلامك كله عجيب وغريبه اسبـابـك

هجرتي وبعتي وخنتي وجياني بالاسباب

تعزبيني وجاية تعاتبيني يابرود اعصـابـك

صدقيني ولا برد عليكي ولا عندي ليكي اعصاب
شايفيني بعينك ايه لعبة من الـعـابـك

خلاص ياحلو معدتش لعبة من الالعاب

حسيت اني تعريت من يوم غيابك

كان يسترني ظلك وفجئة الظل غاب

انا كنت فاكر اني نلت اعجابك

إعجابي بيكي كان متسرع وفاق الاعجاب

كنت اتغزل في جمالك وتدبحني اهـدابـك

اسنانك ما هتلاقيها وهتتنحل الاهداب

فاكرة جمالك بيدوم وبتفضلي في شبابك

طيب ليه معملتش زيك مع اني زيك شــاب

كلمات محمد سالم