خصي للتبرع

يقول المتنبي النصاب!
لَقَد كُنتُ أَحسِبُ قَبلَ الخَصِيِّ أَنَّ الرُؤوسَ مَقَرُّ النُهى
فَلَمّا نَظَرتُ إِلى عَقلِهِ رَأَيتُ النُهى كُلَّها في الخُصى

وهذا غير صحيح اقرأوا القصة !!

تأتي اليه ام العيال في" صومعته" التي لايغادرها الا للنوم او لعمل خارج البيت
وهي تتأفف من بعد المسافة التي تقطعها الى الملحق وما تلاقيه من حرارة الشمس
وسطوعها!! المؤذي للعين !!
لكنها مالبثت ان ابتسمت بعد ان تذكرت ان يدها وفمها وصدرها ممتلئ بالفواتير
وما في راسها اكثر!!
- هاه عسى التمر زين ؟
تقولها بعد ان صبت فنجال "المر" وهي تصف الفواتير!
-ايه الله يلبسك العافية ...وهو يشاهد بعض الشعب الامريكي وهو ينصب خيامه
في احد الغابات بعد ان طردوا من بيوتهم وبعض المتشردين الذين يبحثون في صناديق القمامة
في كلفورنيا!! وهو يلمح هذه الاوراق ليسألها :
- وشن هالفواتير والاوراق بعد؟
- هذي فاتورة التلفون 1090والكهرباء 1860والماء 600 لا وبعد فواتير الجولات ماشفته
وهذا احساب البقالة هالعشرين يوم 4900 هذا غييير الجولات الاربعة!!
--اف البقالة 4900 ليش ؟! هاتي اشوفة
حمضيات وببسي وكولا برقر مثلج بطاطس شبس اندومي جالكسي سنكرز مارس توكس كت كات باونتي..ايس كريم ...

وعلبة ملح وجالون زيت ...!!
هذا غير فواتيير هارديز اه الوجبه الاطيب وكنتاكي وماكدونالدز والتي تدفع كاش !
وش هذا يقولها بكل امتعاض؟
-هذي طلبات البيت وكلها مهمة ...ملح وزيت و...
يقاطعها بعصبية ساخرة
_ملح بريالين وزيت 16 ريال!!

يتدارك غضبه بهزة رأس كانها اعتذار عن غضبه ....
-المهم ,,,,يقولها بنبرة حانية مع ابتسامة لم تظهر!
انتي ادرى بالظروف ياأم سعود وتدرين بالاوضاع الاقتصادية وخسارتي بسوق الاسهم اللي اكل الاخضر واليابس والجديد والتليد لا زم نشوف لنا حل
ولازم نطلع العيال على الاوضاع اللي امر به ونشاركهم بابتكار الحلول
ناديهم هالحين وخل نسمع رايهم كلهم ونقترح الحلول للخروج من هالازمة !!
تجتمع العائلة في لحظة لاتتكرر كثيرا هنا !! حيث (الحرية) الفردية المتوفرة لكل افراد العائلة في اختيار
طريقة معيشته !!التي جعلته رهين غرفته وامام شاشة كمبيوتره !
- هاه ياعيالي وش اخباركم .. امكم اليوم جايبة لي فواتير وطلبات وانا ياعيالي عارفين ظروفي هالايام
والاوضاع الاقتصادية اللي امر بها وانا ماقصرت معكم يوم ان الامور زينة والدخل جيد
وهالحين ابيكم تشاركوني بالحل ؟؟
يردون جميعا حنا تحت امرك يايبة وش تبينا نسوي نسوي!
- تمام عليكم الله يصلحكم ويخليكم ...نبدأ بطلبات البقالة ونشوف اللي غير ضروري نلغيه
من عنده استعداد انه يستغني عن المشروبات الغازية والحلويات والبسكويتات والشبس و..وقبل ان يكمل
تردف ام سعود
-هذولن كلهن ماهن اكل ولاشرب ولا هن ظروريات ..
ابتهجت اسارير الاب عندما رأى اشارات الموافقة على هذا الطرح من الاولاد
-الحمد لله
يقولها الاب بكل سرور
- فاتورة البقالة تتصير 30 ريال ملح وزيت بس !! ويردف قائلا:
- بقينا بالكهرب والماء والتلفون...الكهرب نجمع العيال بغرفة بدل ثلاث غرف
- والبنات بغرفه بدل ثنتين واذا قمنا من النوم بالنها نجتمع كلنا بالصالة نسولف
تناقش بامور العايلة ...
والتلفون نختصر فيه والجولات اذا صرنا بالبيت نقفلها وبهذا نختصر اكثر من
الفين ريال من الجولات والتلفون غير اللي نوفره من الكهرب
الماء نقتصد به شوي ولا يغسل الحوش يكنس بالمكنسة وبعده بالمساحة والخرقة !
وبقى شيء واحد وهذا يخص ام سعود الله يخليها ! وهي الخدامة
واللي ندفع لها اكثر من الف ريال ...
- ماعندي مانع والله بس خل بناتك وعيالك يساعدوني وكلن يهتم بنفسه..تقولها ان العيال
وهي توزع نظرها الى الاولاد...!!الذين يجمعون بالايجاب على هذا المفترح من الام

يرفع الاب قبضتيه بكل سعادة كانه ممثل زنجي بدور جندي مارنيز!في احد مشاهد فلم عن
حرب على الارهاب !
يذكره الابن الاكبر عن مخالفات المرور وتسديدها اول باول حتى لاتتضاعف علينا
يزم الوالد شفتيه ويهز راسه هزة هندي ! او راس شاة فيها "ابو دمغة " (مرض يصيب حتى الوزراء
ربما يكون الزهايمر!!)
-صحيح ايبللا ه نسدده كاش عند النقطة او ليتهم يحطون نقطة بيع او صرافة!!

يكمل حديثه بعد ان هرش مقدمة "دميجته" التي اكثرت الانتاج واساءت التوزيع!!
-ايه بقى ادوات التجميل وشلون نحجمها؟؟
قالت ام سعود
-خلاص مانشري غير الكحل واحمر الشفاة والمناكير والحلاوة!!
اجاب ابو العيال
-الكحل معقول هو احمر الشفاة ولايكلف...بس المناكير ماله داعي ماتحطينة الا اسبوع بالشهر!! او يوم وليلة !!
ماله داعي
اما الحلاوة فالحسحسة افضل !!!!
يضيف بكل سرور
- هلحين قدرنا ان نقتصد في المصروفات ...وشلون عاد انفكر بزيادة الدخل؟!
- ...عندنا سطح اطثر من ثلاثمية متر يتلقى هالشمس بالنهار والغبار بالليل وش رايكم
- لو نحط به احواض ونزرع بها حاجات البيت من الخضروات ..
ونحط به شبيك واربع غنم نشرب حليبهن وناكل منوجهن ؟!!
ونحط لنا شوي دجاج ناكل منه البيض وياكل طايح البيت هو المعزى مع اشوي حمام !!

ونسلم من نقل سطل هالزبالة اللي قطع ظهري وظهر امكم والخدامة .....

-هيه هيه ...انت قم قم بسرعة قبل تروح سيارة البلدية قم طلع الزبالة انت وشخيرك اللي يسمعه
الجيران...
_هاه هاه ابشري سمي سمي يابعد من قامم وقعد والنوم بعيونه وش فيه وش فيه
يقولها وهو يعرك عيناه ويقلبها هنا وهناك
- اقول قم عجل لاتروح سيارة البلدية قم اطلع سطل القمامة عجزت اشيله انا والخدامة
- طااايب !!
- وين الولد؟
- العيال ماجوا الا الفجر ياحول تو ماناموا !!
يهم بلبس قميص النوم.. فتقول بابتسامة
- البس ثوبك وغترك تتطلع للعمال بقميص؟؟!!
- طااااايب حاضر
تكتم ضحكتها قائلة في نفسها لو انا مخليته يتروش(يغتسل) البارح ماسمعت طيب وحاضر!!!!
عندما هم باخراج السطل قالت له ياعمري مادامك لابس ثوبك رح جب لنا خبز حار!!
وشوي كراث وفول وعدس ومر على حلة العبيد (سابقا) وجب لنا شوي كبدة حاشي يمكن يفطرن عندي جاراتي اليوم وشوي حلويات ومكسرات ...وظفر ابهامها يصدر صوتا من تحت اسنانها قائلة:
ماعندنا ولا حبة مكسرات!!
- طايب وغيره؟!!
- هاه او شوله اذا رجعت وافطرت وفكيت الريق نشوف!!
- ماهو بس الريق المقيد!! لا لا قولي !!
- اجل مادامك قلت مر على عيادات النخبه وشف موعدي لشفط الدهون وتردف ضاحكة
- والله ماهو من كثر اكلي بس بركة من الله وتكريم للنعمة احسن مانكبه بالزبالة!!
انت تشوف اصحيننا ماهو من كبرة بس العيال الله يهديهم ماهم يكلون زين!!(هاصحين اللي تقول ام العيال صانعة ثلاثة كوريين كل واحد مايسمع طق الثاني!!)
...وموعد الولد لربط المعدة والبنت لتقويم الاسنان والثانية تشوف طبيبتها اللي مشرفة على رجيمها! وازالت حبوب الشباب...!!!!
- ابشري وهالعيادات تجري عمليات جراحية
- اوه هذي اكبر عيادات بالشرق الوسط تجري العمليات الدقيقة بعد ... بس ليش تسأل!!
- ابغى اتبرع (باشياء! ) موردتني المهالك !!
- يوء _وهي تبتسم_ عسى ماهن "ذولنك"
- الا هو غيرهن جرن علي المصايب !!
- يوه وش يبغىى بك بلياهن ؟! طيب وذاك؟!!
- نكتب عليه للبوووول فقط
- وبعدين!!
- اقدر اقولك لالالالالالالالالا ء ا اء وانا ضامن انه مايخونن اسفلي!!!!
تحياتي
عبدالرحمن العضيب
 

منتدى محاور

http://www.muhawer.net/forum/showthread.php?t=21629