خايفة منك ...خايفة لتضيع الحكاية
خايفة من احساس يتوه...ينتهى قبل البداية
خايفة من كلمة "بحبِك "
 لما بتقولها وحنانك مالى خوفك
خايفة عينى تلمحك وألمس كفوفك
خايفة اضيع من حضن قلبك
يوم ما تبقى حتة منى
خايفة من خوفك عليا
خايفة تكتم يوم مشاعرك .. لحظة عنى
خايفة تمشى فى يوم تقولى محبكيش
وأما أدور جوة صورتى ماالقانيش
غير فى حضنك.. جوة عينك
لما اكون دايبة فى سنينك
يومها تلمح دمعتى جوة فى عيونى
يمكن اصعب يوم عليك
بس عارفة..برضه هتسيبنى لشجونى
ياااااااااه ياقلبى..ليه بترسم فى النهاية
ليه بخوفك تنتهى منا الحكاية
أيوة عاشقة ..ليه اخاف من كلمتى
ايوة عاوزاك جوة حضنى
ألمسك ..ألمس شفايفك
ليه بخوفى يوم أضيع بسمتى
أيوة عشقاك لما تسكت
أيوة عشقاك لما تضحك
حتى ضيقتك يوم عليا
برضه بعشقها فى سكوت
بس تعرف يوم ياقلبى
ان روحك يوم ما تبقى برة منى
يبقى ده اعلان بموت