حوار صريح جدا - الجزء الثاني

السلام عليكم شكرا مرة أخرى ستي الحاج على تلبية الدعوة ــــ ماشي مشكل أنا راه مسالي هاد الأيام ماكاين مايتدار

كيفاش مسالي ؟ راك زعما رئيس جماعة سيروا أوعندك شلا مسؤوليات ــــ أودي هاديك الجماعة طلعات ليا في الراس واش هي اللي طلعات ليك في الراس أولا نتا اللي طلعتي ليها في الراس؟ ــــ بجوج بيهم .. علاش بالسلامة؟ ــــ أنا راه دوزت 16 عام هنا مقاطعا 16العام كاع ماش كثيرة ؟ ــــ أودي راه الولف صعيب أودابا انا مليت أو بغيت غير نمشي فحالي قبل ما ندخل الحبس مقاطعا علاش غادي تدخل الحبس ؟ ــــ أنا خايف لا تجي شي لجنة من الداخلية أو يلقاو عندي مشاكل كثيرة في تدبير وتسيير الجماعة خصوصا الميزانيات اللي كاندوزها غير بالفاتحة بالحديث عن موضوع الميزانية ممكن تعاود لينا أشنو ترا بالضبط في الحساب الإداري الأخير ملي قلت للمستشارين ديالك راه الجماعة كتستهلك 75 بوطة ديال بوطاكاز في العام ؟ ــــ انا كنت من قبل كندوز الحسابات الإدارية للجماعة بدون الإدلاء بالوثائق التبريرية ولكن هذه المرة المستشارين أولاد الحرام ماعرفت واقيلا عمرهم علي شي واحد أو دارو ليا العصا في الرويضة او طالبوني بالفاتورات اللي كتبرر مصاريف الجماعة او مشيت البيرو ديالي أوجبت ليهم فاتورة فيها 75 بوطة كبيرة ديال

الغاز و 50 لتر ديال سانيكروا في العام .. واش صحيح نيت أن الجماعة كتستهلك هادشي كامل لي قلت ؟ ــــ أودي الله إهديك علاه قالوا ليك كنطيبوا الكرعين في الجماعة ، الخيرية كاع اللي فيها 170 واحد كاتكل أو كاتشرب يوميا محال واش كاتخسر هذه الكمية أو زيدون حنا كاع ماكنستعملوا سانكروا ماكنسيقوا ما والوا عندنا شي مواعن كنغسلوهم غير بتيد... أوكي ، قول ليا واش صحيح أن نواب أراضي الجموع وقعوا ليك على وثيقة فيها تفويت حوالي 300 بقعة أرضية متواجدة في الجهة الأخرى من الشارع ( جهة القبلة ) ــــ آه صحيح ولكن ماش النواب ديال اليوم النواب القدامى هم اللي وقعوا ليا الكوانب مساكن ، ولكن النواب الجدد زيروني أو حيدوا ليا 82 بقعة أرضية.. مقاطعا : او علاش بغيتي كاع هذه المساحة من الأرض ؟ ـــــ هاذ 300 بقعة كنت ناوي ندير فيها تجزئة سكنية نجهزها بالما او الضو باش نجبد البراني أو نبيع لعباد الله .. مقاطعا : اواه تبيع حتى لملين أنزال واخا الأرض ديالهم ؟ ــــ واشنو فيها او راه مابقاتش ديالهم راه فوتوها ليا أولا نسيتي ؟ لا مانسيت والو ، او غادي تبيع حتى لملين أيت وغرضة و ايت سمكان ؟ ـــــ آيه علاش لا أونزيدك صحابي ممكن نعطيهم الأرض بلا ريال بلا جوج.. مقاطعا : شكون هم هاد صحابك؟ ـــــ لي ديما واقفين معيا او كايساندوني سواء في الانتخابات أو داخل الجماعة.. مخاطبا نفسه : او كيصوتوا ليك على الحساب الاداري ــــ أشنو قلت شي حاجة ؟ لا والــوا ، واش صحيح نيت أن كنت ناوي تحول واحد الموظف من جماعة سيروا إلى جماعة أخرى بأيت وغرضة، أرك تحديدا ؟ ـــــ آه صحيح او علاش بالسلامة ؟ ـــــ حيت كنت ناوي ننتقم من ناس أنزال ملي حولوا ليا واحد الموظف لتازناخت .. هي كان هاذ الموظف عزيز عليك بزاف ؟ ـــــ آه بزاف نيت .. أو كنت ناوي تحيد النيابة من مستشار محسوب على المعارضة ؟ ــــ صحيح مائة في المائة .. او شكون لي فتا عليك هذه الاقتراحات الشيطانية ؟ ــــ واحد المستشار الجماعي من الاصدقاء ديالي ماغاديش نقول ليك سميتو .. أوكي ، وعلاش ماطبقتيش داكشي علاش كنت ناوي ؟ ـــــ حيت مابغاوش شي مستشارين حكا قالوا ليك هاذاك الموظف خدام مزيان ... بالحديث عن موظفي الجماعة علاش واحد الموظف في جماعة سيروا سميتو حميد أكناو خدام هاذي ست سنين او مازال ما ممستافد من سكن الجماعة في حين أن شي وحدين مستافدين وهم لا يربطهم بالجماعة إلا الخير والاحسان ؟ ـــــ حيت حميد الوقت اللي التحق فيها بالجماعة لقا كلشي عامر.. مقاطعا : لا ماشي صحيح أو هاذيك الدار اللي شدها المستشار مماد من أيت وغرضة أو غير سادها من غير مايسكن فيها حد ؟ ـــــ مماد صديق ليا مانقدرش نحيدها ليه او مانقدرش نخسر ليه خاطر .. أو علاش عطيتي واحد الدار ل كورتي أحمد او هو غير عون خدمة أو خلتي حميد مازال كاري وهو موظف و مجاز من الدولة ؟ ـــــ حيت كورتي عزيز عليا كيبركك ليا داكشي علاش عطيتوا هاديك الدار كجائزة على الاخلاص ديالو.. او هاديك الدار اللي كنت ناوي تفكسي فيها حبيبك " جوهري " حتى هيا خاوية كيدخل او يخرج منها واحد الفار من المستشارين ديالك ؟ ــــ هاديك مازال فيها الصراع ديال المستشارين كلشي بغاها لراسو.. ولكن راه المستشارين ماعندهم حق ، تلك المنازل خاصة بموظفي الجماعة .. ـــــ بدون تعليق ... واش صحيح أنك واحد النهار مشتي للجمعية الخيرية او عطيتي لهم واحد البون ديال الما فيه غير 30 درهما باش إخلصوه مع العلم أن هاذاك البون ديال أحد المنازل التي تكتريها الجماعة ؟ ـــــ يا لطيف حتى شي حاجة مابقاتش كاتخبا .. إلى كان هادشي صحيح فهذا يعني ان شي منازل من هادوك اللي كاتكريها جماعتكم ماكتخلص لا ما لا ضو أو محال كاع واش كتخلص الكرا ؟ ـــــ عافاك بدل عليا هاد الموضوع قول ليا هاذوك أصحاب المقاهي اللي دارو مبادرة أو صيبوا قنوات صرف خاصة بهم واش خداو رخصة من الجماعة ؟ ــــ لا جاو عندي ولكن مابغيتش نعطيها ليهم .. علاش ؟ ــــ هاكك أو صافي رشقات ليا ولكن دابا داكشي اللي دارو راه ما نجحش مية في المية او غادي إسبب في تلوث الفرشة المائية ..ـــــوأنا مالي كيفاش راك نتا المسؤول زعما ..ـــــ مقاطعا : اسيدي انا ما مسؤول ما ستا حمص أو زيدون لي دارها بايديه إفكها بسنانو ، داكشي علاش قلت من الاول ديال الحوار راني مليت او عييت .. مخاطبا نفسه : إلى عييتي ديكاج فحالك ــــ اشنو قلتي ؟ لا والو ، إيوا دابا بلا منكثرو عليك سمح لينا وشكرا بزاف على صراحتك ــــ ماشي مشكيل مرحبا بك في أي وقت...