حوار شعبي على قهوة الكلامنجية

...كنت اتمني الخزازعي يكون ريس مصر !!
...يا رجل خزازعي مين؟ إنت عارف الخزازعي عمل إيه في حمارستان؟
...عمل إيه؟
...خربها!! ... وانت شايف الخراب بعينك!!
...يعني كان هايخرب بلدنا كمان؟
...سيبك من السيرة دي وافتكر لنا راجل محترم!!
...طيب ايه رأيك في السفاحي ؟
...بلا سفاحي بلا خزازعي بلا ابريق بلا عميروش..ربما نجانا منهم
...طيب سمعت أخبار عودة المخطوفين؟
...يا عمي دا مسلسل عبيط عاملاه الحكومة!!
...يا شيخ حرام عليك هو انت دايما تفسر أي حاجة على هواك؟
...طيب قول لي مين اللي كانوا خاطفينهم؟ دا ملعوب خبيث عشان مصر تزود قواتها في سينا من غير ما اليهود يعترضوا
...والله يا سيدي لو كان ده صحيح يبقى الريس معلم كبير.. والجيش بيفكر بعقل عبقري!!
...أيوه بس دا يعتبر خدعة للشعب!
...خدعة لإسرائيل موش للشعب خليك نبيه!
...يا عمي الريس لقي نفسه في مزنق فحب يعمل حركة نباهه فدبر خديعة خطف العساكر وبعدين يجيبهم تاني والشعب غلبان بيصدق أى حاجة
...الحقيقة أنا بستغرب على الأشكال اللي بتطلع تشمت وبعدين لما المشكلة تتحل يقولوا دا مسلسل مصري
...
...أيوه هما غرضهم تشويه سمعة الريس بس ..أنت ما سمعتش بيقولوا ايه على هروبه مع تجار المخدرات من السجن أيام الثورة؟
...طيب ايه علاقة مسجون سياسي بتجار المخدرات؟
...أهو انت قلتها بنفسك!! عشان تعرف ان اللي بيتكلم على الموضوع ده بني آدم خبيث وسافل!!
...يا اخي أنا حاسس ان مصر لازم تنضف من الناس دي !!
...ربنا يقرب البعيد وترجع مصر تاني اللي كنا بنحبها وحاسين انها بلدنا صحيح.
...فاكر أيام جمال عبد الناصر لما كان المصريين بيحبوا ريسهم وبلدهم؟
...طبعا فاكر يا ريت ييجي ريس زيه أو أحسن منه ..مصر تستاهل ريس محترم!!
...شعبنا مليان ناس محترمين وحا يظهروا لما ربنا يريد
...يااااااارب يا خويا