حلوة الحياة عندما

حلوة الحياة  لما نلاقى الحب بين كائناتها حتى لو كان الانسان ،حلوة الحياة لما يكون التعاون بين كل البشر ولا فية فرق بين لون ولون، حلوة الحياة لما تجلس على الاريكة اللى انت بتفضلها وتحس براحة نفسية ما تدرى مصدر ليها لكن حاسس بالاطمئنان ، حلوة الحياة لما يكون فية قناعة بالمكتوب وفية فى القلب اكبر ايمان ،حلوة الدنيا لما نلاقى دماغنا فيها موسيقى جميلة بتهدى احساسنا وتلهب مشاعرنا ، لكن المهم ما يكون فيها صوت رصاص او صدى انفجار ، حلوة الدنيا اما نلاقى الاسرة مجتمعة وفية تألوف انبهار والقيم موجودة فى رب الدار ، حلوة لما تلاقى نفسك فى عملك بتأدية وراضى بية ، حلوة الحياة لما يكون فية احترام بين البشر والصغير يحترم الكبير والطالب يحترم معلمة والابن يحترم والدة والوالد بيحترم زوجتة ، البركة هتزيد والبعيد هيكون قريب والامل هيكون حقيقة والعيون تزيد بريق والقلوب فرحانة وطايرة وتكون احسن لو فية حسن السلوك والبعد عن الظنون والطيبة بدون هدف والتلاقى يجمع بين الاحباب لامنافع ولا اهداف بدون سبب احبك واحبك فى الله ، حلوة الحياة لو فية قلوب بتحب وعيون بطمن وكل همسة وكل لمسة حنان فى حنان ، ابعد سؤ الظن وعيش مرتاح البال وخلى القناعة هى اساس حياتك ، وحب الخير للكل ولاتنظر لغيرك فاعرف انك احسن باخلاقك ومشاعرك وايمانك ، حلوة الحياة واعرف مافى مشكلة بدون حل لان بكرة جاى وبعدة جاى ولازم الحل هيكون جاى ومهما كان فية مشاكل فى حياتك فاعرف انك احسن من غيرك واحمد ربنا على كل اللى انت فية ، انت بتاكل وبتشرب ما بتنام بدون عشا وبتلبس وتخرج ولك عيون ولك رجول ولك ايدين مش بقول لك حلوة الحياة