حلمى حلمك............!!

حلمى حلمك..........!!!
رساله الى اخى المسيحى..............الى اخى السلفى ..............الى اخى من الحزب الوطنى سابقاً.........الى اخى من امن الدولة سابقاً.........,الى اخى الحرامى والمرتشى .........الى كل مصرى.
ايه رأيك لو مصر تبقى نظيفة وتبقى غنية ,ومرتبك يبقى زى دول الخليج ,ايه رأيك لما مصر تبقى قوية وكل العالم يحترمك,ايه رايك لما بتاع الخليج لما ييجى بلدك ينظر لك انك احسن منه,ايه رأيك لماييجى بكرة عليك وعلى عيالك وانت مطمن عليهم ومش حامل هم شغلهم وجهازهم وجوازهم.
ايه رأيك لما تمشى فى الشارع والكل بيضحك فى وش بعض والكل بيخاف على بعض.
أخى الحرامى .........!!ايه رأيك لما انت مش لاقى شغل او مش لاقى مصدر رزق الدولة تديك اعانة بطالة تغنيك عن المرمطة فى السرقة والبهدلة؟
ايه رأيكم كلكم لماالبسبور المصرى فى اى بلد يبقى فى مستوى الامريكى دلوقتى؟؟الكل يحترمه؟؟
ايه رأيكم كل مواطن يكون له كارت تأمين صحى زى الدول المحترمة تتعالج فى اغلى المستشفيات مجاناً والدواء مجاناً زى الدول الحلترمة؟؟
ايه رأيكم لما البلد تتوسع ومن حق كل مواطن فيلا بجنينه زى مواطنين الخليج والدوله تديك الارض مجانا وقرض تبنى بيه,وانت اساسا راتبك كبير تصرف وتوفرمنه كمان.؟؟
كل ده هيحصل امتى؟؟؟
لما نشتغل ونحب بعض ومنسمعش كلام اللى عايزين يفرقونا ويدمرونا.
مصر غنية وعندها موارد كثيرة واحنا بنهدرها بتصرفاتنا الحمقاء.
ايه رأيكم لاقدر الله لو مصر اتقسمت والحرب الاهليه قامت وبقينا خايفين ,والدنيا مش امان والاكل غلى ومش موجود اصلا ومفيش شغل ولا فلوس ولا اى حاجه,واسرائيل عماله تتفرج علينا وتولعها زيادة وتضحك علينا؟؟
انتوا عايزنا كده؟؟

حتى لو انت من الحزب الوطنى السابق انت عايزها كده؟؟؟
حتى لو انت بشمهندس حرامى سابق انت عايزها كده؟؟
حتى لو انت امن دوله سابق وكنت ملك زمانك ودلوقت راحت سطوتك انت عايزها كده؟؟؟
بيدوك كام اللى بيحركوك؟؟ضحكوا عليك وقالولك ايه؟؟
هتاخد الفلوس وتعيش خارج مصر؟؟
صدقنى هتندم انا عشت بره مصر وعارفه احساس الغربه.
وجع فى القلب وشوق لتراب مصر ولهفه على كل شئ مصرى ,لو انت خاين ومش مصرى سيبنا فى حالنا,احنا بنعشق مصر وترابها وان شاء الله مصر هتكبر وتبقى فوق الجميع رغم انف كل منتفع سابق وكل خاين لمصر وكل موافق على ان مصر تتسرق علشان يعيش فى امان كاذب .
وانتى يا كنيسة يا مصريه وانت يا كل قبطى خارج مصر ,عايز حته من مصر تخطفها وتجرى؟؟؟
تفتكر هترتاح وهتعيش فى امان؟؟؟
اسرائيل مش هترحمك وهى واخداك وسيله لغاية ما تنقض على مصر وهترمى الكل.
اسرائيل متقدرش تواجهنا وجه لوجه,انما تقدر كعادة اليهود على مر التاريخ انها تبث الفتن ,معروف ان دى وسائل اليهود القذرة .
افكركم بشئ من التاريخ.
اسرائيل وظفت انجلترا علشان تستولى لها على فلسطين ,وبعدين فضلت تقتل فى الانجليز وتنفذ فيهم عمليات قذرة لغاية ما خرجتها من فلسطين واستولت عليها.
ارجوكم يا مسيحيين ارفضوا وصاية الكنيسة عليكم وخليكم تابعين لمصر وافتحوا الكنايس زى ما احنا فاتحين الجوامع علشان محدش يحس بشئ مريب,انفتحوا على المجتمع صدقونى ده افضل ليكم ولينا,قفلتكم على نفسكم دى هى اللى بتخلى كثير منكم يدخل فى الاسلام ,عيشوا حياه طبيعية وخلوا كنائسكم تابعة للدوله زى المساجد لو انتم عايزين تبقوا مواطنين بجد ازى تبقوا مواطنين وانتوا رافضين تندمجوا فى الدوله زى المسلمين؟؟
وانت يا سلفى ....ايه رؤيتك للاسلام؟؟؟ الالتزام فى نظرك لحيه ونقاب؟؟وجلابية قصيرة؟؟
ارجوا من كل سلفى انه يقرأ فى الدين ويفهمه وميديش ودانه لحد,انت ربنا هيسألك وامرك انك تفكر وتستخدم عقلك فى آيات كثيرة,انت اللى هتتحاسب لوحدك يوم القيامة ,هتقول لربنا ايه؟؟ الشيخ فلان قالى كذا,هيقولك انا امرتك فى القرآن بالتفكر والتعقل, كام آيه بتقول لعلكم تعقلون ,كام ايه فى القرأن امرتك بالتفكر .
كلكوا عرفتوا بالادله وبكلام اسرائيل نفسها انهم مخترقينا فى كل مكان علشان تدمرنا.
كل واحد عنده ذرة عقل لازم يفهم ان من السهل جداً ان واحد اسرائيلى بيتكلم مصرى يعمل حساب على الفيس بوك ويولع الدنيا,يا جماعة الاسرائيليين كانوا بيتجسسوا على تليفونات اكبر مسئولين فى مصر واخترقوا شركات الاتصالات بعملاء وده مثبت فى المحاضر وبالادلة,مش هيقدروا يكلموا حد ويقولوا له مراتى اتخطفت ويعملوا الفيلم ده؟؟.
اللى كانوا بيضربوا نار عند الكنيسة كانوا ولا مسيحيين ولا سلفيين صدقونى دول ناس مدفوعة وضربوا فى المسلمين وفى المسيحيين .
صدقونى ملناش غير بعض ,ايدينا فى ايد بعض ,طلعوا الشياطين اللى مندسه فى وسطنا ,ادعوا ربنا يخلصنا من الشيطان واستغفروا الله واطلبوا منه يصرف عننا كيد كل شيطان جن او انس.
انا مصممه ان شاء الله انى اشوف مصر احسن بلد ,ومش هتنازل ان شاء الله عن الحلم ده,انا رحت الحرم وبكيت ودعيت لمصر ,بقالى سنين مبضحكش من قلبى ,بنتى تقولى مالك يا ماما اقول لها زعلانة على مصر ,نفسى اشوفها احسن بلد,ليه البلاد اللى ملهاش لازمة تبقى احسن من مصر والمصريين هما اللى شغالين فى اهم اماكن فى العالم ومش قادرين يخلوا بلدهم احسن بلد؟
ابوووووووووس ايد كل مصرى ,حب مصر وحافظ على مصر بدل ما تتشرد وتبقى لاجئ ومش لاقى بلد تعيش فيها.
حافظوا على بلدكم وارضكم اللى اغلى ما تملكون.
ان شاء الله هشوف مصر وهى احسن بلد ,ان شاء الله الشرفاء والاتقياء والانقياء والمخلصين وكل اللى بيحب مصر هيخلى مصر احسن بلد,ان شاء الله هنحط ايدنا فى ايد بعض ومحدش هيفرقنا.
هختم بآيات من القرآن ياريت كلنا نتمسك بيها.
( واعتصموا بحبل الله جميعا ولا تفرقوا واذكروا نعمة الله عليكم اذ كنتم اعداء فالف بين قلوبكم فاصبحتم بنعمته اخوانا وكنتم على شفا حفرة من النار فانقذكم منها كذلك يبين الله لكم اياته لعلكم تهتدون )
(ولا تكونوا كالذين تفرقوا واختلفوا من بعد ما جاءهم البينات واولئك لهم عذاب عظيم )
(واطيعوا الله ورسوله ولا تنازعوا فتفشلوا وتذهب ريحكم واصبروا ان الله مع الصابرين )
ملحوظة:
http://www.facebook.com/note.php?note_id=10150186203956715&comments
والمقال ده بيأكد كلامى فى المقال ده واللى قبله.