حكية صدق

ححكي حكايه

من النهاية

اصل جمالها

مش في البدايه

حكاية حبيب

عايز يسيب

ينهي علاقه

ما يكون قريب

لكن حبيبه

زعلان يسيبه

دا حبه هوه

روحه وطبيبه

ما بينهم دار

هذا الحوار

جوه عربيه

والفرقه نار

أنا مش عايزاك

كرهت هواك

سبني لمزاجي

وريني قفاك

حبيبها قال

يا بنت الحلال

حبك في دمي

ولا يتاقل بمال

كان حاطط في جيبه

ورقه عشان حبيبه

نزل من العربيه

نزل عشان نصيبه

جات عربيه سريعه

عملت حادثه مريعه

صدمت الحبيب فورا

مات موته فظيعه

نزلت بنت البنوت

أخذت الورقه ف سكوت

لقاته كاتب فيها

لو سبتيني حموت

شعر نادر الأسيوطي