حكومة

 حكو"مات" شعر نادر الأسيوطي

سقطت كل الأقنعه

وردودهم مش مقنعه

كل الحكومات ورقيه

وأعمالهم دي مفزعه

دي حكومه قول يا لطيف

ومسكها شخص مخيف

كل قراراته لصالحه

وجيوبنا قشيشها نظيف

قامت الثورة المصرية

رفعت راية الحريه

ونظيف والشله السوده

عل البرش ف حته طريه

والتانيه مسكها شفيق

دايخ لسه بيفيق

بيقول ع الثوره يا عالم

مش ثوره دا تلفيق

والتالته حتي الآن

رفعوها ف وسط ميدان

لكن شرفها ف ناحيه

والباقي سد ودان

محدش حاسس بالشعب

ومشاكله أقوي من الصعب

عايزين مين يعمل حاجه

بالفعل مش باللعب

نفسي يا ناس في حكومه

علي قدي تكون ملمومه

تدي تساعد الشعب

شعارها حكومه خدومه

شعر نادر الأسيوطي