حكومات

 الحكومة  شعر نادر الأسيوطي

إنسوا كل الخلاف

ويله علوا الهتاف

قولوا في كلمة واحده

يا حكومة ولا بنخاف

لما الضمير بيموت

لما بنشتهي القوت

لما أغلي ولادنا

الموت عليه بيفوت

كل الحجج زالت

دي حكومة اركانها مالت

شهداء في كل يوم

دموعنا ودمانا سالت

مش انتي اختيارنا

كفايه غادري دارنا

حنموت بلدنا تنضف

شهداء ودا قدرنا

حكومة فهمه غلط

دي جايه تصحح غلط

مش تتحكم فينا

دا وضع لازم يتزبط

طول عمرنا بنكِد

طول عمرنا في نكد

يله نصلح بلدنا

ولا حكومة قادرة تسد

هوه العيب من مين ؟

قولولي يا بني آدميين

هوه العيب من فينا ؟

ولا من السامعين ؟

شعر نادر الأسيوطي