حكاية عشق

إيه يعنى لو ساد الظلم فيكى شوية

إيه يعنى لو صوتى فيكى بيتخنق

صحيح ضحكتك وسط الألم مختفية

حتى أحلامك أدام عنيكى بتتسرق

لكن وياكى انا بحلم وهحلم

ما انا وانتى وأحلامى محال نفترق



إيه يعنى لما الليل يطول علينا

ماهو لازم بعد الليل هيجى صباح

ايه يعنى لما الدمع يتحبس ف عنينا

ماهو بعد الشقا هيجى يوم نرتاح

دا الظلم مهما كانت قوته

أدام العدل ف لحظة بيتحرق



حلو نحلم بس الأحلى لما نتِحد

لما اقول الأهة ألاقى قلوب بتسمعنى

فكرت كتير ابعد لما بساط اليأس يتفرد

بس حبى ليكى كان بيمنعنى




ما انا قولتلك زمان :

حكايتنا مش حكاية حب عادية

دى حكاية روحى اللى بتعشق

وترابك يا مصر.....
.
.
.
....اللى يستاهل يتعشق