حزينة ليه يا سمرة

حزينة ليه يا سمرة

وفي عيونك ناشفة الدمعة

علي ولادك في المدارس والجامعة

ايه يعني شوية رمة

عايشين من غير ذمة

سرقاهم الدنيا ياما

وبنولهم في الأرض جنة

سرقة ونهب وقلة ذمة

ما خلوش للخلق الا عضمة

وعاملين عليها زحمة ولمة

بيشفوا فيكي يا سمرة

قليلي الأصل الرمة

فاكرينك حتة لحمة

وناسيين ان انتي جامعة

صابرة وساكتة وصامدة

ولآهات ولادك سامعة

حتي لو في السما السابعة

وعمرك لينا ما كنتي بايعة

ولامنا كنتي ضايعة

يا مصر يا ام الدنيا