حرت شاكتب

حرت شاكتب

ردت اكـتـب طـفـو النـور وسكـن صـدري الالــــــم
ردت اكـتـب صـاح حـبـري بـصوتـه المـملي نـــدم
وصـرخـت اوتـار الحـنان من عصـف هـذا الـضـلـم
ردت اكـتـب حرت شاكـتـب ضيم لو كسر العضم؟
لــو اعـد اسـمـاء قـتـلـى لـــو وزن دم ولـــحـــــم؟
لــو اعــــــد كــــــــم بــيــت بــالـــديــره انــهـــدم؟
لــو اعد اطـفـال مـاتو جـوع في ارض الـنـعـــــم؟
لـو اعد كـم شاب اسرو وهـوه في عمر الحلـــم؟
لــو اعد ولو اكول الله واكبر حـتـه لعـبو بالـعلـــم؟
ردت اكـتـب حرت شاكـتـب ريتني ماردت اكـتـب
ريتني عفت القلم
ردت اكـتـب حـرت شابـدي يـا عـراق انته الجريح
يـالابـد مـن صـغـر عودك ماسكـن بـيك انـته ريــح
يـا ارض بـابـل وسـومـر بـيـك القـبـه والضـريــــح
انـي سني وذاك شيـعي لــو عزت هـوه يـصيـح
ولــو اجـه لانـطـيـه عيـني حـته بيـهـه يستـريــح
مـاتـغـيرنـه الاعـاجم كلنه اخـوه ويـه المـسيـــح
خـلـنـه نصبر يا اخوتي ومايـصح الـه الصحـيــــح
ردت اكـتـب حرت شاكـتـب ريتني ماردت اكـتـب
ريتني عفت القلم
سكتت وبصدري مئاسي ورجف شفافي سؤال
لـــيش احنه هيج صرنه تدهورت بينـه الاحــوال؟
ليش بكل لحضه مصيبه؟ شفنه كم من الاهـوال
لـيـش هالعاده الغريبه يحله بين اخـوه الـقتــال؟
وهـلنـه شبيـهـم اهـلنـه مــا يحـلــون الـجــدال؟
ردت اكـتـب حرت شاكـتـب ريتني ماردت اكـتـب
ريتني عفت القلم
ردت اكـتـب ونـار شوكـي للـعـزيـزه هـي تـكـيـد
والـجـمـر من حزني الـهـه دومـه بكـليبي ركـيـد
بـغـداد انـتي ام المدائـن باسمج يغني الرشيـد
ولو اكول ودومي اكـتب شـما اسولـف او اعـيـد
مايفيد....مايفيد
ردت اكـتـب حرت شاكـتـب ريتني ماردت اكـتـب
ريتني عفت القلم
انـتـه ارض امـجـاد انـتـه ومــاتـهـزك عـــاصـفـــه
انـتـه ارض خـيـر العلـوم وبـيـك نـاس الـعارفــــه
بـيك خـطـت اور خـطـهـه للـمـجـد هي هـادفــه
بـيـك عـز وبـيـك طـيـب وبـيـك حـب وعـاطـفـــــه
يـاعـراق ادريـك صـخـره بـوسـط مـوجه جارفـــه
اصـبـر اصـبـر يـاحــبـيـبـي لاتـصـيـح مـن الالــــم
لاتشمت هالعجم
اصـبــر لـفـارجــهـه ربـك هـوه اجــود بـالــكـــــرم
ردت اكـتـب حرت شاكـتـب ريتني ماردت اكـتـب
ريتني عفت القلم

شاعر الغرام
عمر الجنابي