حد عاقل يفهمني ...يمكن انا مجنون؟؟؟؟؟

حد عاقل والنبي لو كان فاهم يفهمني يلحقني أحسن أنا خلاص عقلي هايفك مني أرجوكم اللي فاهم يفهمني.اللي فاهم يلحقني قبل ما دماغي ما تضرب أصل مش معقول أحنا اللي صح وهم غلط أكيد فيه حكمه من اللي هما بيعملوه أكيد المسئولين في مصر بيفكرو بطريقه مختلفه عنا خالص أكيد تفكرهم أعلي منا تفكير أستراتيجي تخطيطي علي أعلي مستوي بس أحنا مش فاهمين ويمكن اللي بيعملوه داه تمويه ياخونا ؟؟؟؟؟؟؟؟؟؟؟؟ بس أنا بصراحه مشكلتي أني عايز أفهم وعندي أمل أني الاقي حد فاهم يفهمني ويعرفني ......بصراحه كده فيه نقط كتير بسمعها وبقرائها بس مش فاهم ايه الهدف منها والناس المسئولين بيحسبوها أزاي يعني مثلا.............. أولا: لما الحكومه تبقي فلوسها كتير وعايزه تبقشش ؟؟؟ يبقي شعب مصر والناس الغلابه أولي بالحسنه من شعب أسرائيل ومن المستوطنين اليهود؟؟ هاتقولي أزاي أقولك الحكومه المصريه بتصدر الغاز المصري لأسرائيل بعقد مده20سنه وبتصدر المليون وحده الحراريه بسعر1.25دولار مع العلم أن السعر العالمي الأن12دولار للمليون وحده حراريه والأدهي من كده واللي أمر ويغيظ ويشل ان سعر تكلفه المليون وحده حراريه2.65يعني بنصدر الغاز لأسرائيل بأقل من السعر العالمي ب9 دولارات وبأقل من سعر التكلفه كمان شفتو بقششه أكتر من كده يعني شعب مصر الغني المرفه بيحن وبيعطف علي شعب أسرائيل الغلبان ب12مليون دولار يوميا حوالي 5أو6مليار دولار سنويا.........مع انه نفس الشعب اللي مش لاقي أنبوبه الغاز وبيقف بالساعات أمام المستودعات وساعات الناس بتقتل بعض علشان أنبوبه ؟؟؟؟؟؟؟؟ بس المسئولين في بلادنا أكيد في دماغهم حاجه مش وصلانا بس ياريت اللي فاهم يفهمني وياريت بعد أذنكو محدش يستخف بذكائي ويقولي داه تموييييييييييييه والهدف منه ان أسرائيل تعتمد علي الغاز المصري وبعدين نقطعه عنهم ويموتو من البرد ونبقي بكده أتخلصنا من أسرائيل بطريقه مبتكره............................................ ثانيا: الموضوع التاني بقي هو اللي حكايه أغرب من الخيال سعر كيلو اللحمه المصريه عدي 60جنيه علي الأقل مع العلم أن سعر الكيلو من اللحمه المصريه الفاخره في دوله الأمارات العربيه المتحده لايتجاوز30درهم للكيلو يعني حوالي 43جنيه مصري .......والنبي حد يفهمني اللحمه لحمتنا واكلا من برسمنا وشربا من نيلنا وتنباع في يلادنا 60جنيه وفي الامارات 40طب أزاي مش هاقول أديني عقلك بس خد أنت عقلي وفهمني يمكن المشكله في وفوق داه اللحمه هنا من كل الجنسيات صومالي علي هندي علي أثيوبي علي برازيلي وعمرنا ما سمعنا علي مشكله فيها وكمان بأسعار أقل من أسعار مصر مع العلم أن مفياش دوود زي اللي موجود في اللحوم اللي بتنباع في مصر(أن شاء الله وأنا نازل أجازه بدل ما هشتري هدايا لأهلي هشتري7كيلو لحمه ليهم أحسن) ثالثا: ولا بلاش كفايه كده حرصا وخوفا علي القراء محدودي التفكير مثلي مع رجائي الخاص الي الساده العباقره اللي فهمين يفهموني والنبي ولو أمكن حد من الساده المسئولين أكون شاكر ليهم