حب عشاقة ملالا

قصة حب حقيقية سبحانة الله "

طامو البنت المسكينة تعمل خادمة في أحد المنازل ،جميلة شعرها أسودعيناها ساحرتين....... فتاة جميلة، كانت كل ليلة تنام في غرفتها وتفكر بصوت مول الحانوت حميدة البقال و في الصباح تسأل اهل المنزل إلى بغاو شي حاجة من الحانوت طبعا كي ترى حميدة مول الحانوت حبيب القلب،لكن هداك اليوم منعتها صاحبة المنزل من الخروج وقالت لها إتصلي به عن طريق الهاتف ،صونات طامو على حميدة مول الحانوت.
التليفون:سرسرسر طنطنطن طوطوط
طامو:ألو حميدة
حميدة:ألو طامو ،تواحشتك سكر ديالي وأتاي برادي وبلا بيك ما يحلى كاسي
طامو:يعطيك المسخ حميدة حشمتيني واش أنا طامو ولا قلب سكر
طاحبة المنزل تصرخ في وجه طامو"أش كتهملي تم يا هديك الصكعة"
طامو:حميد انا غادي نقطع جيب معاك ملحة والسكر وراس الحانوت،تقطع الإتصال
حميد:في الحانوت نجيب ليك راس الحانوت ورجليه ويديه وراس ألا لا طامو،يأتي بسرعة ويتولي التوصيل بنفسه راكبا على بيشكليت ثنائية الدفع ،بسرعة تذهب طامو تفتح الباب باش تشوف حميدة،وأخيرا يتقابل الأحبة،تأخذ السخرة وهي مستحية،خذوذها ما صبحوش وردية ولكن صبحو قهوية ،المهم حميدة ركب البيشكليت رباعية الدفع هو ينظر إليه وفجأة سقط وتشرك ليه السروال من الركبة ولكن طامو ما شافتوش حيت سدات الباب،ذهت إلى غرفتها وهي تفكر في فارس احلامها حميدة مول الحانوت تتأمله وهوراكب بشكليت ثنائية الدفع،وفجأة تسمع طوطوطوطو طيطيطيطيط،طامو إستغربت لانها ما سمعت هذا الصوت من قبل،نظرت من النافذة شاحنة مول البوطة،سقط قلبها أمامها وأحبته هو الثاني حب من اول نظرة ،وفجاة تذكرت ان البوطة خاوية لكن مول البوطة ديمرا وبغا يمشي خافت طامو ان يفوتها...كتجري كتجري كتجري كتجري،طبعا مول البوطة خاف حيت شاف في المرايا شي حاجة كتجري وراه كسيرا وزاد في السرعة،وطامو زادت من سرعتها رفعت الكندورة و عضتها بسنانها ونسيت انها لابسة غير الكندورة بوحدها لا.......ولا حتاحاجة.وفجأة سقطت على الارض وهي تلهث نظرة مول البوطة وشاف طامو طايحة وقف ثم رجع
طامو: انت علاش ما توقف ما شفتيش انا أركض وراك
مول البوطة: لا راني خفت ملي شتك كتجري وراية
طامو : " سخيف " يلا جيب البوطة
مول البوطة : هي اللي ما تعاودش
و دخل البوطة المطبخ و عطا لطامو ابتسامة مذهلة
طامو و قعت بحبه و أصبحت تشوف الإثنين و زاد حبها لأثنين و ما عاق حميد مول الحانوت إنها تحب مول البوطة،المهم و في اليوم الأسود قررت ربت المنزل الإتصال بحميدة مول الحانوت يجيب ليه ماء معديني لأن طامو كانت مشغولة في المطبخ و مثل كل نهاية اسبوع كانت تقابل مول البوطة خلف المنزل، و جاء حميدة مول الحانوت في نفس الوقت و طلبت منه ربت المنزل ان يدخل،المسكين كان قلبه فرحان لأنه غادي يشوف طامو و لكنه شاف منظر ما ينساهش طول حياة شاف طامو تتضحك مع مول البوطة المسكين انفطر قلبه و تشقق و عيونه ذرفت بيبسي وكوكا و ميرندا طامو اهي تضحك رأت حميدة مول الحانوت
طامو: ناري كحلتها أش غادي ندير
حميدة:اش واقفة كديري مع هدا
مول البوطة:حاس براس بطال قال ليه عاود أش قلت
حميدة :انا صحيبها وانت شكون
مول البوطة :تعصب وشاف طامو وقال " أنت خاينة " انا في حبك هايم كل يوم نجيب ليك بوكاضيوس خانز زبنين وعصير وكلوريتس
حميدة:انت أش كتخربق أسي
مول البوطة: كيفاش زاش يصحاب ليك غادي تاخذ طامو مني
طامو: صافي ماديروش فيها شروخان وتزيد عويدات الدخان بركة
حميدة: طامو انت واحدة غذارة يا بنت العطارة انا غادي نتقم منك
مول البوطة :حربيبش إلا قدرت وصل ليها
حميدة بشى باش يضرب مول البوطة هذا الاخير تصدا له وبدا النزال في معركة الحب من اجل الامير الخائنة طامو، حميدة حاسب راس اندر تيكر ومول البوطة بيغ الشو و يتشقلبون ويتحنقزونطامو تصيح وتصرخ : بركة بركة كل هادشي على قبلي، مول البوطة ما كان عنده الا حل واحد رفع طوابك و حميدة تخدر و فقد الوعي فاز مول البوطة لكن تم القبض على الإتننين بتهمة التضارب على قاصر
و طامو نسيت ما حدث لانها عشاقة ملالا