جوليا(بين الصليب والهلال)!

(جوليا )من ليلة البارح ووجهك في خيالي
مثل قنديل ٍ مع ابواب الكنيسة له علاقة!

كني الراهب وانا ساهر على ضؤءه لحالي
استمد الشعر من نوره بلهفة واشتياقه!

أيها الانثى التي في ثغرها صفة لاّ لي
جابها سعد بن ابي وقاص واعطاها سراقه!

كل ما ناظرت في عينيك صار الموج عالي
كنه اللي سارق من زرقة عيونك زراقه

وان تمعنت بخدودك صار طعم التين حالي!
كنه اللي من مذاق خدودك استوحى مذاقه!

عندما ما قررت فيك الموت صار العمر غالي
كني ابغى اموت رايق فيك واعيش برواقة!

لو بنيتي مملكة حواء على انقاض الرجالي
عندليب الشعر دونك ما ثنى رجله وساقه!

عانقيني والصليب يذوب في عشق الهلالي
لو يجي للعشق والعشاق لفة وانطراقه

جوليا لا تسأليني ليش مريتي ببالي
يمكن اخلط لك خطوط الحب مع خط الصداقة!

شاعر فا الحب مدري وش يقيني من ظلالي
مر اعيش ادوار قيس ومرة اخرج عن نطاقه

اخرجيني من زمن عليا وابو زيد الهلالي
عصر قانون (الرجل يرمي على المرأة طلاقه)!

وادخليني عالم اللاحب با الحب المثالي
منه يكفي لو ذكرنا بعض في وردة وباقة !