قد يتعجب البعض من كلمه جمهورلكيه ويظنها خطأ لغوي او كتابي ولكن انا احب اطمن الكل وقول ياخونا لا هي خطأ لغوي مني ولا كتابي هي تعبير عن واقع احنا عيشينه مش أكتر ولا اقل يعني المفروض ان احنا طبقا لمواد الدستور المصري دوله جمهوريه ؟؟؟؟ بس الواقع غير كده خالص الواقع بيقول ان احنا عايشيش في عهد ماقبل المحروس جمال مبارك وكل الشواهد بتقول انه كده كده بمزاجنا غصب عنا برضنا بكسر عينا هايحكم هايحكم يعني العمليه كلها هاتبقي عاش الملك مات الملك .............................................. يعني مات الملك بابا حسني عاش الملك المحروس جمال حسني والاخر كله لشعب مصر مبارك واولاده اصلهم هما اللي مباركين مصر                  

المهم يعني كلمه جمهوريه دي ها تبقي حاجه خياليه مش حقيقيه وفي نفس الوقت ماينفعش نقول نرجع للملكيه تاني خوفا من الملك احمد فؤاد الثاني أحسن ينادي بأحقيته في عرش مصر لانه اخر ملوك مصر وكمان ياخونا داه ملك بن ملك بن ملك بن خديوي يعني الراجل مأصل وما ينفعش حد يعديه علشان بن رئيس داه جده ملك وداه جده بشكاتب محكمه؟؟؟؟؟؟؟؟؟؟؟؟؟  المهم؟ اخونا البعدا هايجمعو المنافقين السياسين والقانونيين علشان يطلعو بحل للازمه والحل والله سهل وبسيط وانا بنادي بيه من دلوقتي علشان اوفر عليهم وعلينا وجع الدماغ احنا نعلن قيام الجمهولكيه يبقي النظام عندنا كده جمهوري علي ملكي يعني من داه علي ادي

بس بصراحه علشان الاقتراح يبقي سليم وزي الفل وميه ميه يعني نا قص بس لقب للمحروس حاجه كده وسط بين مسمي رئيس وملك بس والنبي ياخونا يكون حاجه جديده مش مستعمله قبل كده .........................

                          وتحيا جمهورلكيه مصر العربيه

؟