تتصور يا سعادة البيه
كيلو اللحمة بعشرة جنيه ؟ا
لما وصلت مصارينى جريت
قالوا لى : لحمة عفاريت
جريت على شيخ الجامع
وحكيت له ع الأمر الواقع
مولانا ضحك لى وقال لى:
يا ابنى،إشويها ، وقَلّى
اللى انت دبحته خروف
لو حتى إسمه زخاروف
أنا واكل واكل لحمه
مش فاضى اسأل عن إسمه
عفريت ؟ وانا مالى يا عالم
ما عفريت اللى بنى آدم
لو عفريت اتاكل مرة
مش حتلاقى عفريت بالمرة
ويقولوا: الجن راكبنا
يا اخوانّا غلط يا اخوانّا
دول خلق المولى خالقهم
بقوانينه العليا حاكمهم
همّ الجن ، واحنا الناس
وما فيش بينا غير الوسواس
(مع الاعتذار للغة العربية وللعفاريت)