تستاهل

 تستاهل "كلمات نادر الأسيوطي"

قابلتني واحده في السكه

حلوة وجميلة لكن سكه

غمزت بعنيها وحوجبها

ضعفت وقلبي مال تكه

بصت وعيونها تتكلم

قالت دا أنا قلبي بيسلم

شوفتك من نظرة حبيتك

قالت متيلّه يا معلم

ولقتني ماشي وياها

ودخلت حاره وانا معاها

فجأة بصتلي واتعدلت

عايزاني قال اترجاها

بصراحه حبيت اللعبه

قولت الحكايه مش صعبه

رقيت وملت يمّتها

قُولتلها بحبك والكعبه

فجأة قلعتلي بروكتها

وبانت بصراحه لبتها

أتاريها راجل متخفي

سابت ركابي ف ساعتها

اخشن وكشر يا معلم

وقاللي طلع ما تبلم

هات التليفون والنقدية

م الضرب الدنيا بتضلم

من يومها ماشي وف حالي

باصص قدامي طوالي

كرهت سيرة الملاغيه

وكفايه بقي ما جرالي

كلمات "نادر الأسيوطي"