تخيلوا لو إنا صينيين

أتمنى أشوف يوم من الأيام جهاز كهربائي أو سيارة أو طياره مكتوب عليها صنع في المملكة العربية السعودية ، مشاء الله تبارك الله ماحنا فالحين إلا في صناعة الفشار والبطاطس والبسكويت ، عندنا كفاءات وعندنا عباقرة وعندنا إمكانيات وكل شي متوفر وش ينقصنا علشان ما نصير مثل بقية العالم ( ادري كل دول العالم فيها فساد ) ، والكلام هذا ينطبق على الخليج لأنهم من اغني الدول ، يعني تخلوا حتى ملابسنا من شرق أسيا شمغنا وغترنا من انجلترا وسويسرا( حتى ذي عجزنا عنها ) يجيك الواحد منا متكشخ ساعه ، قلم ، جزمه ( اكرمكم الله ) مافيها صناعه محلية الا الملابس الداخلية ( الله يذكر أبو رحله ) كل شي عندنا مستورد من أسيا وامريكا واوربا .
الصين ودول شرق أسيا ماعندهم نص ماعندنا من الخيرات ومع ذلك اكتسحوا الأسواق العالمية حتى الهند وهم من أفقر الدول صنعوا سيارات وغيرها .
تخيلوا لو أننا صينيين او يابانيين او هنق كنقيين ( تعبت ) وعندنا خيرات الخليج كان وش سوينا ( لتقولون نوسع عيونا ) أتوقع نخترع حذا تطير او بيوت تمشي او تصريف مياه أمطار ( زي الخلق ) او انفاق على مستوى ( ماهي مثل اللي في باللي ) أو يمكن نسوى قرانديزر ( يحل مشاكنا مع جيرانا ).
تدرون ليش ايران معطيه العالم ( الخامس ) أو على قولة أحبابنا المصريين ( مصدره الطرشا ) وماهي خايفه من العقوبات ؟ لان اغلب احتياجاتهم صناعة محليه ما راح يؤثر فيهم الحصار ذاك التأثير.
وعلى طاري الصينيين وعلشان نحنمد ربنا أننا مش صينيين يقولك صيني عازم الشباب في استراحة ( خمسطعش كيلو جنوب بكين ) على العشاء يوم دخل عليهم شايل صحونه ما شاف إلا عشرين ألف الحاضريين بس قال حسبي الله عليكم وين باقي الشباب .