تحية وتقدير للأستاذ عادل عطا من نادر الأسيوطي

2013-01-01 00:00:00

تحية تقدير للأستاذ/ عادل عطا تاليف الاستاذ نادر الأسيوطي
ببدأ كلامي ببسم الله الهادي
وادعي ربي تكون أحلي السنادي
ويحفظ بلادناالحبيبة ويزيد خيرها
ويجري الخير علي ايد بناتي وولادي
////////
بعيد كلامي بتحية المصطفي الزين
نبينا خير معلم محمد دا نور العين
واثمن وامدح صاحب الحفلة
استاذنا عادل يسعده قولوا آميين
/////////
لو قلت شكرا يبقي مش حقدر
افضاله متنوعه ومكارمه دي اكتر
لو اعد شيمه راح احتاج كام دفتر
دا كفايه علينا طلته وكلامه السكر
///////
رويت يا عادل بالحب وردايه
صارت بالجهد ويا العرق شجرايه
ولما جيت اساعد وارويها
لاقتها بهمتك عاليه ونخلايه
/////////
بنيت بالجهد بيت عجيب مسحور
سكنه شباب ارعن صبح بالفضل أمور
تجاره قالوا زمان مسكن العفاريت
سكنها ملايكه معاهم بنات الحور
/////////
من العادة ياسادة تلاقوا صنوف
واللي اتعرف عن تجارتنا مش مألوف
لاقينا ملايكة ساكنه جوه قصور
بفضل إداره ومديرها عطاه معروف
/////////
بفضل قيادة واساتذه فوق العادة
بفضل جهود جباره مشهوده ياساده
بفضل العمل ويا الاخلاص ف النيه
لمعت تجارة نكلا وأنوارها ف زيادة
////////////
كل كلام الشكر ما يبين ما جوه القلب
وكل كلام الشعر ما يحوي كلام الحب
وكل ما احاول اعبر الاقي الكلام يعجز
عشان كدا بدعيلك بالسعادة قولوا يارب
/////////
ختام كلامي بدعيلك بالستر والعافية
وتسلم من شرور البشر وألاعبهم الخافيه
وتعيش 200 سنة تدي كمان وكمان
وينوبك من تلمذتك دعواتهم الصافيه
اهداء/نادر محمد الأسيوطي
معلم أول "أ" لغة انجليزية نكلا العنب