تجربة فلسطيني في الإمارات..!

واحد من أصدقائي سافر على الإمارات وقعد فيها فترة طويلة ورجع قبل شهر، فبيحكيلي عن تجربته هناك..! وعن القوانين الموجودة في البلد..!
بيقلي إنه البلد كلها مصنعوعة بإيد البشر يعني ما فيها اشي من الطبيعة، كل اشي فيها بناه البشر..!
يعني يمكن تستغربوا إنه جزيرة النخلة، عملها مهندس فلسطيني، في منطقة الجميرا، وهادي منطقة ما كان بيدخلها قرد، والفكرة أجت عن طريق هذا الشاب الفلسطيني اللي قال لواحد من الأمراء هناك انا مستعد أعملك مشروع هيك هيك..فقله اطلب قد ما بدك فلوس.. وطبعا أخذ فلوس خير الله.. وهاجر بعدها على أوروبا..!
شغلة ثانية قلي بالنسبة للأكل كله جاهز وعليه مواد حافظة، وكله بكيتات.. وبيقول: يعني الفلفل الأسود لما كنت اشمه بغزة أعطس مليون عطسة وتطلع روحي.. طيب هناك بتشربه شرب ولا بيصير فيك اشي..!
بعدين بيقلي من ضمن القانون إنه ممنوع أي إماراتية تتزوج واحد أجنبي..! ولو بدها تتزوجه بيسمحوا إلها ولكن ممنوع يورثها..! يعني لما يتزوجوا بتروح حضرتها بتتنازل عن أملاكها لأهلها أو للدولة..!
وفيه كمان شغلة قلي عنها إنه فيه قرار بيمنع أي شخص أجنبي مهما كان إنه يتوظف بوظيفة رسمية حكومية حساسة..! يعني مثلا ممنوع تكون موظف معاملات بنكية وجها لوجه مع العملاء..! أو مثلا في بريد..! أو حتى مستشفى..! أو المطار..! لأنه القانون بيقول إنه كل الموظفين في الأماكن الرسمية لازم يكونوا إماراتيين من أهل البلد، حتى يكونوا واجهة البلد..!
اطلعوا كيف بنحسبها إحنا العرب، إنه لازم يكونوا واجهة البلد..!! في حين إنه في بلاد أوروبا بيستقطبوا الكفاءات العربية وبيسمحولها فيما بعد ترشح نفسها لتولي منصب في الحكومة..!

بالنسبة لبكرة شوو..!!