بيقولوا عينا ناس مجانين

بيقولو يا صاحبى علينا ناس مجانين

قال فى السياسة بنكتب مش خايفين

 طب ما تقولى ايه اللى حيصل

اكتر من نومنا يوماتى جعانبن

العيش قليل واللحمه غالية

 وكمان الفرخة عاوزه كتير

اشى ملوخية واشى فاصوليا

وكمان قال جنبها سلطة وجرجير

طيب ومنين وازاى هنعيش

 و كل حاجة بح مفيش

ولا حيلتى لقمه ولا حتى يا ميش

طيب ما اكلم وانشالله ما اعيش

يقولوا مجنون يقولو مستبيع

بس بتكلم اهو و بقول

مش متكبر ولا مستجدع

بس تعبت خلاص من الفول

-------------------------------

بيقولوا علينا ناس مجانين

طيب مانتوا زي كمان جعانين

اللى اعد ومربع ومادد ايده فى جيوبنا

ماهو اصله جعان من المنبع

 وبيتغذى اهو من قوتنا

واحنا اهو كدا واقفين

 نفسنا فى حته مش قادرين

رجولنا تعبت من الوقفه سنين

والفول يلحس فى عقولنا

انت يا باشا ياللى فوق

حتة لحمة للى تحت

يا سيدنا خلى عندك زوق

كل دا ومشبعتش كفاية نحت

سيب غيرك حبه يعيش

خلينا نطلع من عيشة الفحت