بني آدم "نادر الأسيوطي"

 أغنية بني آدم "كلمات نادر الأسيوطي"

بجري ومش داري

قدري ومقداري

أصل الحياة فانيه

في الأصل مش داري

بجري كمان بجري

وما خت غير أجري

ومشاكل الدنيا

والهم فوق صدري

بجري وانا بكوش

عمال أنا أحوش

ف الآخره راح أسيبها

لغيري يفرفش

رحال ومستعجل

راغب الحياة وبعمل

ناسي فنا الدنيا

للأخره أنا بهمل

بمرح كمان بكدب

زيف الحياه يتعِب

الحل والمخرج

تهدي القلوب وتحب

حِب الحياه موافق

اوعي تكون منافق

حِب الرسول أكرم

في الجنه حترافق

اعمل لدنيا ودين

وما تخسر الاتنين

رغم الحياه حلوه

دي محطه ليوم الدين

الأصل دا  م الطين

الكل بني آدميين

حذاري تتكبر

خليك من الطيبين

الأصل راح للدود

ونقابل المعبود

اعمل لساعتها

واترجي الموجود

يارب أنا عبدك

بترجي أنا عفوك

اغفرلي وارحمني

واسترني يوم عرضك

كلمات "نادر الأسيوطي"