بنلعب دور “المحرقة” ..!

أنا مش فاهم يعني، شو الهبل اللي وصلناله..! مشان أبو مازن بيفاوض إسرائيل وداير ظهروا للمقاومة المرتزقة، بيروحوا يرموا صواريخ..! شو هالتفكير الرائع هادا..!
يعني الأصل هوا المناكفة ودقارة في أبو مازن..! مش الأصل دفاع عن الأرض..!
ولا يمكن بدهم يفشلوا المفاوضات..! يعني كإنه قرار المفاوضات بيقوفوا صاروخ نص كم..!
يمكن واحد ينطلي يقلي هادي صواريخ غراد..! طيب خلي غزة تستمر تضرب صواريخ جراد، وبدي أشوف إسرائيل شو بدها تعمل..! مش حتعمل ولا اشي، وأصلا ما بتقدر تدخل غزة..! ولا بتتجرأ تقدم ولا خطوة..! يا حرام اليهود محاصرين دوليا ما بيقدروا..! طيب هما هالوقت قاعدين بيسجلوا كل الخروقات هادي في مجلس الأمن كتبرير إلهم لأي عدوان محتمل..!

بدي أسأل المقاومة اللي إحنا مثلنا مثلهم ضحينا وقدما لفلسطين، واللي مثلنا مثلهم إلنا قضية، واللي بيوم من الأيام شلنا سلاح مثلهم.. وقدمنا شهداء وجرحى مثلهم وأكثر منهم..! سؤالي هوا..؟ وين كنتوا أيام ما وصلت إسرائيل لتل الهوا وسط مدينة غزة..! ووين إنتوا هالوقت من الناس اللي مش لاقية مساكن تنام فيها في شمال غزة..! ووين إنتوا لما الناس بتهجم على بيوت مهجورة بالعصي والحجارة مشان تحتمي وتنام فيها لانه فقدت بيوتها أيام الحرب ولليوم مش لاقيه حل، وهل إنتو بتحترموا قيمة الإنسان، ولا النظام كله هيات ونعرات كذابة وشوفوني شايل سلام وبرابط..!

وبدي أسأل بالله بعد اللي شافوه الناس في شمال غزة وقرايبهم بيموتوا قدامهم، هل حيصمدوا لما يدخل الجيش..! اه بالتأكيد محنا شعب الصمود يا حج..!
وبدي أسأل: مين اللي بيشيل الباردوة اللي عمروا 40 سنة، ولا الأولاد اللي الواحد عمر الواحد 20 سنة ما بيعرف لسا قديش مساحة غزة، لحتى يعرف مين الجيش اللي قباله وشو معه عتاد..!
بدي أسأل كمان: يوم ما كانت عائلة السموني بتموت بالجملة..! وكانت أرض المعركة جوا غزة مش برة..! شو كانت بتعمل إيران وسوريا ولبنان وتركيا..!
ليش الدول كلها بتدفع إلنا فلوس مشان نموت، أو بتدفع إلنا مشان نقبض ونشرب وناكل وانام..! أو بتبعث إلنا معونات..! وليش بيعملوا قنوات أخبار خاصة كمشاريع استثمار مشان أحداث غزة..! وليش في إلنا بضائع خاصة مستخدمة وأكفان..!

بالنسبة لبكرة شوو..!!