بقالك كام يوم

                      بقالك كام يوم

اول ما دموعي نزلت لقتني سرحت فيك

واتخيلتك وانت جنبي وبتمسح دمعي بايديك

هو انت مجيتش ليه غايب بقالك كام يوم               

وحشني الكلام معاك   وبجد تعبتني الهموم

هية الدنيا اللي شاغلاك  ولاحياتك مني واخداك

يريت في وسط مشاغلك تفتكر ان فيه واحدة مستنياك

حتي لوكنت ببينلك اني ساعات نسياك 

صدقني اللي بعمله ده   كان بيبقي مجرد ضحك معاك

ياحبيبي داانا مقدرشي اعيش ثانية  لو عرفت اني مش هشوفك

داانا بس بعيش عشان  ابعد عنك المك وخوفك

والله بجد وحشتني  نفسي تيجي وتضمني

ولوكنت زعلان مني    يريت تكون سامحتني 

داانا تربية ايدك  يعني مستحيل اقدر ازعلك

وان كنت ساعات بكيدك   بيبقي بس عشان ادلعك

لاني عارفة انك بتعشق    لما حد حبيبك يتذلك

داانا اللي لو باعك كل العالم   انا اللي هفضلك

هموت واخدك في حضني واموت واترمي في حضنك

وحشني قوي حنانك  مشتاقة قوي لقربك     

بقالك كام يوم  غايب ولاسائل فيا 

هية ظروف ايه دية اللي تنسيك حتي تسال عليا

هو انت ليا نسيت ولا انت عليا قسيت

قولي انك زي زمان  وان غلط اللي بيه حسيت

وحشتني كل ملامحك   لو زعلان انا هصالحك

ولوتحسب قلبي زعلان  خلاص ياسيدي هو مسامحك

كام يوم عدوا عليا   كنت في بالي ليل نهار

بس كنت بداري واقول مش كل البعد نار  

مع ان ربي اعلم  ان بعدك بالنسبالي انهيار

ولوعايز شاهد ودليل  اديني بقدمه بين ايديك

ان اول ما بكيت   في ثانية حنيت اليك

لانك اكتر حد  في الدنيا بيحس بيا

ويمكن انت اول واخر حد  يبكي لدموع عنيا

واكتر مخاليق ربنا   بيحبني ويخاف عليا

داانت يوم ما هتيجي  واشوفك واقف قدامي

مش عارفة هعمل ايه خايفة انسي كلامي

بس اللي واثقة منه  انه هيبقي اسعد ايام عمري

لما اشوفك يا غالي جنبي  وبتضحك وكانك قمري

واحكيلك علي حنيني  اللي في بعدك دايما مصحيني

وبوعدك من دلوقتي  مش هخبي شوق عيني 

لما توحشني هاقولك  ولما ازعل منك هاقولك

لاني وحياة ربي  اكتر من نفسي بحبك

وصدقني عمري ما هقدر  احب حد قد حبك

دانت عشرة ايامي وسنيني   وافراحي والامي كانت جنبك

ازاي بقي افضل عليك   حد يدوب عرفته كام يوم

صدقني لو قولتلك ان حياتي   لو انت مش فيها ملهاش لزوم

ولو يوم حسيت اني اتغيرت  يبقالك حق عليا تلوم