بطونهم بترول!!!

وينك يانفط يالبيك غركَانين..

صح انت للشعب لكن بالاسم بس...

وحراميتك جثيرة..

والبوكَ موبالليل..

البوكَ وي طرة الشمس...

الساسة والمراجع عالبوكَ متفقين..

لان كل الفتاوي تشير للسراق..

ومعلوس يانفطي علس...

فتاويهم جذب.. وبطونهم بترول..

وبفلوسك نفطنة

جيوبهم متروسة ترس...

وناطورك يانفط شعب العراق اليوم..

مجتف بالفتاوي..

إمن يطبة حمس...
كَاعد ياشليف الصوف كَاعد والحرامي يحوف
دخجل عاد واتنفس...
ومرجعنة العميل شكَد قبض دولارات..
حتى يطكَنة سي سي بفتوتة الاخرس...

ويكَل لاصحابة فوتوا لاتخافون..

مادام الروح بية ومادامني اتنفس...

نومت الشعب وبعد مايكَدر يكَوم..

بالفاليوم المنكم اخذتة.. وصرتلكم حرس...

ياللة ياشعب ثور وبلاية سلاح..

ورجع كل حقوقك عاد واتنفس...

واطرد الساسة والمرجع المايملك دليل..
واطرد امريكة والسستاني ومقتدة والمالكي وحس... واستقبل إمامك..

وكملة العشر تالاف..

سواء اتنفست اوماردت تتنفس...

ولتكَول آنة سني وشعلية بأهل البيت..

ولتكَول آنة شيعي بس مو هسة يطلع..

عوفهة البس...

ياسنة علي يا شيعة اهل البيت..

لان بالمهدي الكل شلع جاي تتربص...