مواضيع اليوم
بطل مصر
بطل مصر " شعر نادر الأسيوطي"
عقمت كل البطون
متطلع غير فرعون
نفسي ف بطل حقيقي
بجد مش كرتون
عيني عليكي يا مصر
قلبي بيتعصر عصر
الكل طمعان فيكي
كأنك عزبة أو قصر
كل مايجي ولد
ونقولوا هوه السند
يطلع أملنا فشوش
يهرب بكل المدد
مصر عبر السنين
ملجأ للطامعين
سواء من ولادها
او من محتلين
كأن علينا مكتوب
ما نلبس للفرحه توب
ونبقي ليهم عبيد
مناسبه لينا يدوب
حتي لما يطلع بطل
يدّعو إنه إتسطل
أو في السجون والمنفي
والعذاب عليه هطل
لكن آن الأوان
نغير كل اللي كان
بأبطالنا الشباب
ووقفتهم في الميدان
ياعالم مصر أبيه
مش جبانه أو غبيه
المارد الصامت نطق
بالثورة الشبابيه
بطلنا ملء العيون
وعلي مصر حنون
تعوفوه هوه مين؟
دول 85 مليون
شعر نادر الأسيوطي
أضف تعليق
آخر الأخبار من إيلاف
من صوري
فيديوهاتي
التعليقات (0)