بحلم بحلم

بُكْرَه بتاعنا يصير

بُكْرَه وما له نظير

بحلم بقلب كبير

بحلم يكون فيه ضمير

بحلم بغزل حرير

يبقي ف مصر وفير

صنعه مصري قدير

بحرفة ماهر وخبير

بحلم بأهل الخير

يبقوا في مصر كتير

يدوا كتير للغير

بـــحــلـــم

بحلم نبقي نكون

حلمي ومهما يكون

نوصل لآخر الكون

نزهل عموم الكون

نهزم ولو فرعون

نشقي والله يعون

بـــحــلـــم

بحلم وحلمي بسيط

يمكن تقول دا عبيط

ولا تقول دا حويط

بحلم يكون لي غيط

أزرع ولو قراريط

أزرع ولو سبيط

كفايه بقي تفريط

لا معونه ولا تنطيط

يخبط دماغه في الحيط

بـــحــلـــم

بحلم أكون انسان

 يرجعلي حلم زمان

طيبه ورمز حنان

ومصر حصن أمان

حاده ولا الأسنان

ف مقاومة العدوان

كله ولا الأسنان

مشط وعدله الآن

أوعي تكون قلقان

كله يبات فرحان

حلمي بشايره تبان

بسقوط قوي الطغيان

وبشرة الرحمن

مصر بلد الأمان

حلم نادر الأسيوطي