بحار نادر الأسيوطي

 بحار"كلمات نادر الأسيوطي"

بحار وداير

في البلاد حاير

بدور علي مَرسي

لمركبي الساير

بدور علي سكتي

والموجه دي صفحتي

موجه تزعلني

والتانيه دي صحبتي

يا مركبي الساير

وأنا قلبي فيك ثاير

مقدافي اصراري

والشط بشاير

يا مركبي شدي

الروح أهي بتدي

مهما الريح تشتد

بالعزم حتعدي

يا عافيه ايه يفيدك

والعقل مش سيدك

الفكره في الحكمه

ولجامها في ايدك

بحار شايل سيفي

وسلاحي مقدافي

وعدوي موج عاتي

يا دنيا ما تخافي

لقهر جماح الموج

لو هب فوج علي فوج

لجامه في ايدي

والقلب مش محروج

كلمات نادر الأسيوطي"