بتحب مصر نادر الأسيوطي

بتحب مصر؟ كلمات نادر الأسيوطي

قالولي بتحبها؟

قلت مش عارف

اللي عشق ارضها

ومن ظلمها خايف

واللي مشاعره ملكها

حيران ومش عارف

يلعن ابوها وجدها

ساعة الغضب آسف

واللي كاره شكلها

حُب الغريب زايف

واللي بدايته حَبها

جوع البطون كاشف

كَرَه طوابيرها وبُخلها

كَرَه الرغيف ناشف

ويوم م الغريب مسها

تلقاه بجيش زاحف

تلقاه يِعَدِد فضلها

بلحن الوفاء عازف

ما هُوَ برضو ابنها

ابن الحلال عارف

كلمات نادر الأسيوطي