مواضيع اليوم
ايه يا شعب يا حزين ، مكانك فين من الملايين
ايه يا شعب يا حزين
مكانك فين من الملايين
ولا خلاص بقيت من التايهين
عارف مين أصحاب الملايين
وزراء منورين
ومعاهم مستشارين
نواب محترمين
وكمان فنانين
لاعيبة جامدين
وموظفين مرتشين
وشوية مذيعين
علي شوية نصابين
وعندك كمان شوية مستثمرين
علي شوية مسئولين
هما دول المخلصين
اللي علينا خايفين
وعلي فلوسنا محافظين
وفي حقوقنا مش مفرطين
هما دول أصحاب الملايين
اللي علينا دايسين
ولدمنا ماصين
ولعرقنا واكلين
وعلي نفسنا كابسين
وعلي قلوبنا قاعدين
عيني علينا يا مثقفين
بالسلف والدين عايشين
طب وبعدين
مستحملين بقالنا سنين
سرقة ونهب وساكتين
زل واهانة وراضيين
كل ده ولسه صامدين
لكن ما احناش مغفلين
لا والله ده احنا صابرين
وفينا قوة ولا التنين
تخلي الحديد يلين
بس نبقي متجمعين
ومع بعض كده مترابطين
ولطريقنا عارفين
علي فين رايحين
أضف تعليق
آخر الأخبار من إيلاف
من صوري
فيديوهاتي
التعليقات (0)