ايه جرالك يا بنت العم

ايه جرالك يا بنت العم

حالك كده بقي يغم

بعد ما كنتي احن أم

للقريب والغريب بتضم

شيلتي ناسك الهم

وحالتهم بقت يم

مش لاقيين حتي المام

عيشة مالهاش طعم

ومسئولين ما عندهمش دم

وحركاتهم نص كم

جاتهم الغم

خد عنك كمان يا عم

ده واحد سرقنا

وفي السوق باعنا

وبيتصعب علي حالنا

وبيقول ايه جرالنا

بيلعب بفلوسنا

قال وخايف لا الفقر يدوسنا

راح عامل ضرايب حتي علي نفسنا

والتاني نضف جيوبنا

وخرب بيوتنا

طب يا سادة ادونا هدنة

نشم فيها نفسنا

ده واحد بيبيع في كلام

تمام يا افندم تمام

الشعب كله نام

شغلناه بنانسي وهيام

وامينة واريام

ونسي مر الأيام

وتاه وسط الزحام

وتمام يا افندم تمام

والتاني في التلفزيون علي طول

كل يوم يطلع ويقول

كل شبر فيها فيه بترول

والناس يا عيني مش لاقية حتي الفول

مش كده يا عم الدلدول

وواحد غاوي اللاب توب

وأزأزة اللب

وهز ديله ذي ال..ب

والتاني ملك التطوير

والضرب بالطباشير

وتلبيس الطراطير

غاوي زحمة وطوابير

ومالوش ابدا في عمل الخير

وفي الأذى ليه باع كبير

وفيه زيهم كتير

فيكي يا ارض الخير

يا بلدي وبلد عم بدير

عاملين ذى الطير

قاعدين يحصدوا في الخير

ودافنين الشعب في بير

عليكي العوض يا ام الخير

ولينا رب كبير

علي كل شىء قدير

يساوي الوزير بالغفير