مواضيع اليوم
اوعي تقول وانا مالي
اوعي تقول وانا مالي
وخليني كده في حالي
ومن العيون متداري
ده حيالله جاري
ولاقريب خالي
اصحي وفوق يا غالي
بكره ييجي عليك الدور
ويلدعك الدبور
وتنضم للطابور
اللي والع فيه وابور
وللفقر مجرور
ما تقولش وانا مالي
ده حالك هو حالي
ومالك هو مالي
وها يجرالك اللي جرالي
سيبك من القهوة والنادي
خليك كده واحد عادي
هات ايدك في ايدي
نوحد الأعادي
علشان وليدك ووليدي
نحجم الأعادي
وبيا وبيك تنهض بلادي
عليك دايما ها انادي
في غابة ولا في وادي
فوق بقي يا ابن بلادي
امك عليك بتنادي
محتاجة لوحدة ايادي
من محمود وفادي
وبولاق والمعادي
ترجع المجد لأجدادي
والكرامة في بلادي
أضف تعليق
آخر الأخبار من إيلاف
من صوري
فيديوهاتي
التعليقات (0)