اه يا صباح الغيمة

صباح ديمة .. صباح مطر وغيمة

صباح دله مرتكيه .. على جال الجمر

ريحة الهيل .. معطرة بدخون السمر‎
...

صباح الصبوح.. الي جابوه من ذود بعيد

به وضح .. ومجاهيم ..وصفر ..لونهن لون فريد

حليبهن طعمه السكر معقود ..

منه الصبوح .. و رغوته ثلج

وريحة الغبوق الورد

اه .. يازول خلي ليته معي بهلبرد

...

قلتي أمس بجيلك .. وعد

وراح أمس ومن بكره بعد

تدرين أني على كيفك

تغيب كلك ..

وترسل بعض طيفك

...

أتخيل ملامح صورتك

من اغمض عيوني

زولك المطبوع طبع بجفوني

كل التفاصيل

عيونك الي فيها خدر

مدري تعب .. ولا نعاس

وشفايف بلون الغضا

وردوف كنها الاطعاس

...

اه يا صباح الغيمة

مدري مطر او ديمة

كله سوى ..

ما دام خلي مو معي

ما به الا برد كثير

وريح الشتاء تهدر هدير