انا لسة محتاجالك

لو أنت مش محتاجلي أنا لسة محتاجالك

ولو أنت بعت قلبي أنا لسة عايشة عشانك

لو غيري فرحك لو غيري خفف أحزانك

أنا لسة محتاجالك محتاجة حبك وحنانك

وحياة حب زمان اللي كان بينسيك الزمان

أنا ماليش غير حضنك ومابحسش غير فيه بالأمان

يمكن أنت ليك غيري اللي بيحضنك يضمك

وفي لحظة ماتحزن يقدر ينسيك همك

لكن انا ماليش غيرك ماليش في الدنيا إلا حضنك

لو عايز تحرمن منه براحتك أنا هرضي بحكمك

بس يكون في علمك انا هموت في بعدك

أنا لسة محتاجالك لإني ماليش من بعدك

دلوقتي القرار قرارك وأنا غصب عني هرضي بيه

إن كنت عايزني جارك ولأ مكاني حد ماليه

صدقني مش هلومك مهما كان قرارك

قولي عايزني جنبك وله ابعد واعيش بنارك

لكن نسيان مش هنساك هعيش بعيد عنك أهواك

ولحظة مااسمع منك آه هجري عليك ومعايا دواك

لإن أنت مش حب خدعني ولا واحد في الهوي لوعني

أنت دم بيجري فيا هشتريه مهما هو باعني

أنت عارف الأبن لما بيتمرد علي أمه بتعمل ايه؟

بتأخده غصب عنه تضمه فغصب عنه هيحضنها بإيديه

آهو لو بعدت عني هعمل معاك كده

في الأول هيبقي غصب عنك بعدين هييجي الرضا

ما أنت حبيبي وأنا عارفاك مستحيل تبيع اللي بيهواك

ولو شيطانك غواك وعملتها أنا برضه هفضل وراك

تمشي تبعد عني هندهك واقولك حبيبي عشقاك

ايوه هو كده أنا كده قدر اتخلق معاك

بحبك من يوم ميلادي وهحبك ليوم وفاتي

أعمل ايه ياحبيبي ماأنت كل حياتي

كان معاك ماضيا وذكرياتي وهيبقي معاك أجمل آتي

ولا أنت ايه رأيك مش برضه هتفضل معايا

ولا أنت ليك رأي تاني نختم بيه الحكاية