مواضيع اليوم
امير القلوب
اولا وقبل ما ابدأ الكلام
لك مني أعظم سلام
وتحية تليق بدكتور حسام
وحب مني وتقدير واحترام
طبعا انا مش همدح فيك
لإن معنديش كلام يساويك
وكل الكلام مش هيعبر
عن همسة من تقديري ليك
دانت في الطب أسطورة
وفي الهيئة ليك أحسن صورة
وبرضا ربي عليك
صيتك هيملئ كل المعمورة
ياأعظم جراح خطير
ايديك تتلف في حرير
يابرنس الطب ياأمير
دي ايديك أغلي بكتير
دكتور حسام أول ماتشوفه
تحس كأنك قدام ملاك
وهدوء صوته لما يكلمك
كأنه بيقولك مش بكلم سواك
تحس إنه من أهلك
وإنه خلاص سكن قلبك
تلاقيه قرب قوي منك
وبجد من جواه حبك
يديك أمل في الحياة
وانه أكيد علي أيده النجاة
يقربك من ربك ويحببك فيه
وتقول يارب بدل الآه
مش زي جراحين تانيين
الواحد يقابلك وعزرائيل معاه
وأول ماتشوفهم تقول
ياه ياغلبي ياولداه
لكن دكتور حسام وشه منور
دايما" علي الأمل بيدور
لأنه أبدا" مش بييأس
وهو بأمر ربي مسير
وأنا ليه هتكلم كتير
دي كندا شاهدة عليه
وإن باسمه مسجل دراسات
وأبحاث كتير هناك ليه
دكتور حسام ياغالي علي قلوبنا
أنا بفخر إنك ابن بلدنا
يحميك ربي يادكتور
وفي كل العالم تشرفنا
وتفضل كده زي ماأنت
أهم مايميزك صحو ضميرك
وخوفك علي أي مريض
وكأنه من طيرك
ربنا يكرمك يادكتور
ويزيد كمان من خيرك
إن كانوا سموك جراح
وقالوا اللي يشوفك يدوب
أنا هتحدي الكل وأقول
أنت بجد أمير القلوب
إهداء إلي:
الاستاذ الدكتور:حسام فوزي
إهداء من الحاج:محمود عبد الحفيظ
العنوان:أسيوط_ القوصية_ المنشأة الكبري
من أجريت له العملية بمركز القلب والجهاز الهضمي بسوهاج
لعلي أستطيع بهذه الكلمات أن أعبر لك عن جزء ولو ضئيل جدا عن امتناني وعرفاني أليك وإنك كنت سببا في عودتي للحياة مرة أخري...
تقبل فائق أحترامي
محمود عبد الحفيظ
أضف تعليق
آخر الأخبار من إيلاف
من صوري
فيديوهاتي
التعليقات (0)