اليوم هتكلم عن المصرى

اليوم هتكلم عن المصرى

المصرى طيب معاك ومع كل بنى ادم مهما كان لونة او عرقة او جنسيتة واياك بس تقرب ولا تتكلم عن اى شىء ضدة هتلاقية ينقلب نار وشرار والنكتة يقولها حتى على نفسة بس اياك تقول انت نكتة تمسة ولا تمس بلدة فى الحروب ابطال وثوار ويقلبوا الهزيمة لاكبر انتصار ويدافع عن بلدة وعن عرضة بكل قوة واقتدار ويدافع عن اى مظلوم حتى لو كان من غير جنسة او من اىبلد عربى مهما كانوا فى شجار وجنودهم نسور ياويل اى عدو يفكر يهاجمة هيلاقى بواسل ترمى نفسها فى النار وتحرق الاخضر واليابس على اى عدور غدار معظم شعبة متوسط الحال لكن القناعة عندهم لاتقدر باى مال ولا عمارتمشى فى شوارعهم تلاقى الضحكة مسمعة ليل ونهار مهما كانت حالتة فى فقر او غنى فاحش فالضحكة سمة لشعبة والطيبة دى من اصلة يحب الغريب ويساعدة ويعطى الفقير ويضمة ولو فى يوم سألتة عن اى مكان فى بلدة يسير معاك ويوصلك بحب وطول ما هو معاك يضحكك ويحسسك انك فى بيتك وبلدك لان قلبة دايما طاهر وعمرة ما يفكر فى غدر ولا فى شر لغيرة من اى ديار المصرى تلاقية يناقشك ويقنعك ويفهم فى اى موضوع تكلمة عنة ومهما كان سنة وعمرة فهو بيتكلم وفاهم كل امور الدنيا بحكمة واقتدار شعبة مثقف حتى اللى ما نالة التعليم اتثقف واتعلم من مرور السنين المصرى عمرة ما يخاف كبير ولا صغير وحريتة فى المقاهى والصحف وفى اى مكان حرية بدون قيود يتكلم وعمرة ما يخاف الا من الخالق حتى لو كان على عنقة سيف فخوفة بس من رب الناس غيرتة على بلدة ما لها اى حدود وحبة لبلدة هتشوفها لو اتفرجت على مباراة بيخوضها هتلاقى التشجيع والحماس واحترام الناس وكلمة مصر تسد اذون الناس وكلمة هيرودوت مش كلمة اتقالت لكن لو شربت من نيلها ومشيت فى شوارعها وتشوف حب اهلها وطيبتهم لازم هتعود لها تانى ودة حقيقى ومش كلام وخلاص المصرى عالم ومفكر واديب ونالوا اعلى الجوائز فى العالم ونوبل اخدها نجيب محفوظ واحمد زويل وكتير المصرى كلمة كتير بيكتبوا انهم فراعنة لان الحضارة المصرية عمرها عمر شعوب كتير اخترعوا قبل ما اخترعت اى بلد فى العالم واكتشفوا من الالاف السنين شماختهم وعزتهم وحضارتهم هتلاقيها فى الاهرامات وابوسنبل وآثار كتير ما لها اول من اخر ودة اكبر دليل على الاصالة وحب التغيير المصرى مهما اختلفت معاة بس يوم يلاقيك وتلقاة ينسى اى اختلاف وياة ويحضنك ويرحب بيك ويعزمك حتى لو بكل اللى معاة ومهما اتكلمت وقلت فلازم تنزل تشوف بلدة وتعيش وياة هتلاقى كتيير من صفات عيشة جواة حب وصداقة وعشرة ولو قلت اه هتلاقى مئات بتجرى لاجل تزيح الاة اصلة كدا طيب ويخاف من الله المصرى دايما ربنا وياة وناس كتير دخلها على قد الحال بس عايش فى نعمة والقناعة دايما وياة المصرى يقف مع اى بلد وقفة رجالة وكتير يقدم الخير لكن شعوب كتير خسيسة لاتفتكر فى يوم وقف وياة والمصرى مؤمن بربة وعايش ايمانة جواة ولاجل كدا اول ما تدخل مطارة هتلاقى ادخلوها بسلام امنين انا ممكن اكتب واكمل ملايين الكلمات ومش هقدر اوفى المصرى حقة وكل اللى اقولة يحمية رب العباد