اليحيرني

اليحيرني

الوعي بالناس مامات

ش عجب لعبو علينا العدا تك كول

ش عجب فوك المزابل

صاير الموت

وياهو التنشده

شعليه يكول

وجبير اللي حسبته بيوم ختيار

يمشي بمشيته

شبه مخبول

وصفت كل الشوارع

طيط ،طواط

ميل ياخلف

موكب المسعول

واحنا بالحكومه حيل راضين

لن عدنه بالحكومه وليد شنشول

ذميم ماربه بنص ربعة الناس

ولافد يوم راح بصحب منكول

وعدنه وياه بنفس الساس والراس

ابن عمه البطل شدهان عبدول

تكيرتو

وتكير ذاكه اليوم

يوم اسود جليبه زوج مخبول

اليحيرني شجاها الوادم اليوم

تحجي بالسياسه تكول كشكول

ياعمي السياسه المابنت بيت

ولاجابت امن ماهي سياسه

السياسه البيها صار البوك عنوان

اكللك خفت ذيج السياسه

السياسه اليصطرع بيها مخابيل

ابد والله ماهي سياسه

شفتو شلون زوج نعال ضربوه

الغش الشعب

وانهدم ساسه

وسيس مااظن جاره اله تصير

ركس للهام وبنص الخياسه