النسر هاجج

نسر العلم هاجج وفايت حتته

تايه ومش عارف حتي سكته

طار جريح

في مهب الريح

مش لاقي حد يونس وحدته

ولا لاقي حد يسنده في أزمته

الريح شديد

وهوه عنيد

رغم حَمّام الدم السايل بحمرته

ورغم سواد الظلم تحت مخدته

رغم الألم

وسط العلم

شايف بياض القلب لمحبته

وقلوب كتيرة تمحي قسوته

فرد الجناح

وبطل نواح

وقرر النسر بشجاعه يواجه محنته

ويكون حمامة سلام لابسه عِمِتُه

ومعاني اللون

ترضي العيون

حَمَار الخد رمز عزُه وقوته

وسواد الأرض نبع خير لزرعته

ودي سكته

ودي حتته

وابن الأصول يفدي بلده بجتته

ودي أصالة شعب قالها حضرته

شعر نادر الأسيوطي