المحروس عريس المحروس

المحروس بيحلم بالمحروسه

والمحروسه كرها العريس

المحروس هو العريس

والمحروسه هي العروسه

المحروسه مفروسه وأهلها مخروسين

اصل المحروس دمه واقف وثقيل

بس ابو المحروس راجل كبير

يامر يطاع وصاحبه هو السجان

بأشاره منه يحرق بيت المحروسه

ويسجن ويقتل اللي يعترض علي الكلام

المحروس مسنود من أبوه

وشله أبوه حواليه وبدل السان لسانيين

بيزنو علي اهل المحروسه

يوفقو علي المحروس بدل الحوسه

وبدل البهدله والشد يمين وشمال

 وبدل العوصه

اهل المحروسه غلابه

خايفين من بكره وم الديابه

أهل المحروسه حزانا

فرحهم ميتم وعيونهم دمعانا

أهل المحروسه بيبكو والمحروسه بتصرخ

والمحروس عامل نفسه مش واخد باله

فرحان بنفسه وبحلاوه الكلام من لسانه

المحروسه عارفه انه كداب واناني

وان كلامه كلام اغاني

المحروسه بتصرخ وتقول

كفايه زمن أبوك عايزه عريس تاني

بتنادي عليك يابرادعي

قوم تعالالي

حررني من ذلي وهواني

والمحروس برده مطنش

  بايع دمه

وعامل نفسه مش واخد باله

 ولا همه

أصل السجان صحبه

وشله أبوه حولايه

وبدل اللسان لسانيين