المؤمن والشيطان

سمعت حكايه عجيبه

وكانت من قلبي قريبه

مست قلبي ومشاعري

وماشبها أي ريبه

حكاية مؤمن وعابد

علي صلاة الفجر واخد

يقوم يتوضي ينزل

للمسجد أول واحد

لكن في ليله ضلمه

وقع في قلب الوحله

اتسخت هدومه قال

أروح أتنضف أحله

تاني مره كمان

وقع في نفس المكان

قرر يروّح يغيّر

ويرجع قبل الأدان

تالت مره بصراحه

قابله ماسك اضاءه

راجل في ايده نور

وصل المؤمن براحه

علي باب المسجد لقاه

واقف لا حول الله

دعاه المؤمن للدخول

رفض يأدي الصلاه

ولأن المؤمن انسان

سأل اللي ساعده كمان

قاله الراجل بحزن

لأني أنا الشيطان

ولأن المؤمن رقيق

سأل ساعي الطريق

ساعدت مؤمن ليه

وزلت عنه الضيق

قال الشيطان بحرقه

لأن أول مره

غفر المولي ذنوبك

لرجوعك تعيد الكره

تاني مره وقعت

وقمت انته رجعت

وكنت سبب وقوعك

وفكرت أني منعت

لكن تاني رجوعك

غفر المولي لأهلك

وكنت سبب المصيبه

وساء العمل والمسلك

قمت انا بعمل أليم

خفت لا المولي العظيم

يغفر لكل المسلمين

بسبب الصلاه والتصميم

شعر نادر الأسيوطي