مواضيع اليوم
القصايد شعر : الشاعرة القطرية العنود سعود
القصايد
صوتها حزن وأسى
بدمعي
اكتبها وإحساسك قسى
كنت
تقراني قبل وقت الرحيل
وصرت
تمحيني وانا قلبي يسيل
كل حرف وكل كلمه
مثلي مشتاقه لضمه
من يضم احساس قلبي لاغدى قلبك سبيل
ومن يلم الشوق فيني
منهو بكره يحتريني
ولاحضر قلبي وقف له يحضن احساس الدخيل
صرت احس الغربه ديره
في وسط قلبي كبيره
كيف اسافر للمشاعر والقى حبٍ لك بديل
وآنا تكتبني عيونك
تجرح احساسي بدونك
والعقارب بالدقايق دمها بقلبي ثقيل
وين اروح ابهالقهر
مابقى غير الشعر
ينصف احساسي وقلبي من جفا خلٍ بخيل
كل قصيده بالدفاتر
تشتكي ظلم المشاعر
والجفا حظي ونصيبي درب أمشي به طويل
جنة الشعر الحزينه
مابها للحب مينا
كل زهره كل ورده اذبلت يوم الرحيل
اللي باقي بس حريقه
لا ، رماد وما أطيقه
انثره تكفى دخيلك دام انا بشعري قتيل
القمر ماعاد نوره
واللي باقي منه صوره
طيف يسكن في عيوني خلى قلبي بي عليل
ورغم حزني في مكاني
اشتكي لك بالمعاني
قلبي صابر ماتأثر واقفٍ مثل النخيل
أسعد الله ذكرياتك
الغلا وقتٍ وفاتك
لاتناديني وكمل رحلة الصمت الطويل
اسكت اسكت
القصايد كلها ماتت
اسكت اسكت
حبرها دموعي وهانت
نم وريح جفن عينك حتى جنبك لايميل
وان دعاك الشوق ليله
قيِّد اسروجه وخيله
اخنقه أكثر وأكثر خله ابحضنك ذليل
التعليقات (0)