الف لحية ولا لحيتي

( بلدي الخرج يحذر من وجود مخططات سكنية ومزارع وقطاعات تعليمية وأهلية بمجاري الأودية ) ( وياسيدي بدري توه الليل بدري ) الحمد لله اللي ماقالوا الخرج كله بمجرى سيول ، كل هذا وتوكم تصحون ؛ و ماشاء الله عليهم ما تركوا شي علشان لو ( وقعت الفأس بالرأس ) يرفعون أصواتهم ( قلنالكم ) ، وماهو بس بلدي الخرج ، سمعنا وقرينا ووصل حد ( الهواش ) في الجرايد بين بعض مسئولي الجهات الخدمية ، فكرة بعض المسئولين ( خلني احذر من كل شي وأي شي من بدري أبرئ ذمتي واخلي مسئوليتي ). يعني مثل اللي يتنبئون بالعام الجديد ( فيه كوارث طبيعية في بعض البلدان ) اكيد إن فيه كوراث سوف وتقع مثل كل عام.
يعني بالله عليكم يوم مخططات سكنيه ومشاريع تعليمية واهلية بمجاري السيول وينكم من قبل تسوى هالمشاريع ولا المقاول ( ولد خالتي ).
( رب ضارة نافعة ) وانظر للجانب المشرق لكارثة جده اللي خلت كل المسئولين في القطاعات الخدمية واللي لها علاقة بالمواطنين وسلامتهم ( يتحقرصون ) ويعيدون حساباتهم ويفتشون ( ويخربشون ) عل بعض ولسان حالهم ( نفسي نفسي ) ( والف لحية ولا لحيتي )
سبحان الله يعني لازم تجي كارثة علشان نصحى .