الفرقع لوزات

الفرقع لوزأو - Click Beetle -اىّ خدمة !!– أحد أنواع الخنافس من رتبة الحشرات غمدية الأجنحة، وهيتقوم بالدفاع عن نفسها من أي عدو خارجي عن طريق التظاهر بالموت، فهي تسقط على الأرضكما لو كانت في حالة إغماء وتظل لعدة ثواني مستلقية على ظهرها بلا حراك،وفجأة تثب وثبة سريعة عالية في الهواء في محاولة للابتعاد عن مكان الخطر، محدثةصوتًا مميزًا يُسمّى بالفرقعةويقول علماء الحشرات: إن مكمن هذا الصوت يأتي من شوكة أسفل الحلقة الصدرية الثانيةوالتي تظل ساكنة في تجويفها حينما تكون الحشرة في وضع سكون، وفي أثناء وثبة فرقعلوز تسحب الشوكة من تجويفها فتسبب بذلك ارتطام الجناحين الأماميين للجسم لسطحالأرض، يساعدها هذا الارتطام على حركتها السريعة الرشيقة !!!!

 

ودة طب وايه العلاقة بينها وبين المستهبلات ؟؟!!!!!

يووووووووووووه………علاقة وثيقة جدا !

انت شفت النطّة أو القفزة أو الوثبة العالية دى اللى بتعملها الفرقع لوزات – جمع الفرقع لوز !- فيه جمع كده بالذمة ؟؟!!…..النطّة دى هى مربط الفرس !

اقصد موضوع التشابه الاعظم !!

فالفرقع لوزات تنط من مكان الى مكان – وعلى فكرة كلمة تنط لغة عربية فصحى ..ارجع للمعاجم واتأكد !- وكذلك المستهبلات فى امها

تنط من مكان الى مكان …عمّال على بطّال…فى الفاضية وفى المليانة !!

صنف مسكين من النساء ليس له طاقة على الجلوس !!

صنف غريب من الاناث عندهن المقدرة الفذة على التنقل من بقعة الى بقعة ..ومن رقعة الى رقعة …ومن هنا الى هناك …ومن هناك الى هنا …حاجة تروش بجد !!

حالة ديناميكية ديالكتيكية جهنمية استوائية انترناشونالية امبيرالية راديكالية مصطنعة مفتعلة منخفضة مشتعلة منبعجة مرتفعة - ها….تعبت ولا لسّه ؟؟!!

انا عن نفسى ابتديت انهج ونفسى يتحشرج من الوصف بس !!

ففى مجتمعنا المصرى العزيز ..تكاد تشعر بأن الناس كلها بدون بيوت !
الشوارع لا تخلو ابدا من المتسكّعين والمتسكّعات…والمطاعم بجميع انواعها كامل العدد….والكوفى شوبّات …والكازينوهات…والاماكن الترفيهية العامة …حتى السيرك القومى كامل العدد !!
موضوعى هنا فقط عن المستهبلات – وليس المستهبلين …خلّيهم بعدين !- ليه كمية البنات الرهيبة دى فى الشوارع ؟؟!!

بيعملوا ايه ؟؟؟

بياخدوا دروس ومجموعات كل يوم..لو كان تلامذة !
ماشى !

بس كل دى دروس ؟؟!!

ما هو مفيش تعليم فى المدارس …انت مش من هنا ولا ايه ؟؟!

لا يا سيدى من هنا …مش تايوانى ولا موزمبيقى …بس الدروس لحد 10و11و12مساءا كمان وكل يوم ؟؟!!!

يا عم بطّل تخلف بقى !…ايه 10و11مساءا …البنت زى الولد..ماهياش كمالة عدد..ثم الشوارع زى الفل ..امان وحنان …مفيش حاجة تخوّف !!

طب يا اخواناّ البنات دى مستواها التعليمى بعافية برضو …ومصاحبين زمايل (صيّع ) صغيرين ..والمدرسين كل همهم يقبضوا وبس …ونتو ما بتراقبوش حاجة يا اهالى يا كرام !!

يييييييييييييييه !!

برضو؟؟ !

الدنيا كلها زفت كدة !!

ما تزعلش كدة يا عم !

والله عارف ان فيه استثناءات ..لأ…وعارف ان القاعدة العريضة ما زالت باخلاق وضمير …لكن الاسثناءات السلبية هى موضوعنا !

امّال البنات اللى مطلعوش من البلية وقاعدين فى المنتزهات العامة ومحطات المترو دول بنات مين ؟؟!!

بنات الكورنيش …بنات مين ؟؟!

بنات السينمات خصوصا حفلات 10صباحا بنات مين ؟؟!!!!!!!!

“انا خارجة مع اصحابى ” !
مين اصحابها ياحاج ؟؟!!
عارفهم؟!…..كلمتهم ؟!….عارف اهاليهم والبيئات اللى طالعين منها ايه.؟!

انت يا حضرة الاب….ويا حضرة الام

مبسوط وبنتك زى الفرقع لوز…كل يوم تخرج …بمليون حجة وذريعة …مرة بشترى طرحة مع رشا…ومرة بادى مع لمياء ….ومرة بتشمّ هوا مع هناء وشيرين …ومرة رايحة لخالتو….ومرة عمتو ….ومرة هذاكر مع ريم …ومرة هقعد شوية مع طنط ام احمد جارتنا !!!!!!!!

ايييييييييييييييييييييييييييييييييييييييييه ؟!

الرحمة !!

احمى بنتك شوية …ضلّل عليها …دارى عليها …اعتبرها كنز يجب الحفاظ عليه !

حافظ على مشاعرها ..قبل ما تهدرها مع حيوان معندوش اى مبادىء !!

حافظ على اخلاقها ..قبل ما تشربلك سجاير مع بنت صايعة من ايّاهم ..وتصاحبلها الف واحد…وزمامها يفلت !!

حافظ على لسانها ..قبل ما تتعلم السفالة والبذاءة من بنات مش متربيّة !

حافظ على شكلها …قبل ما يعلموها تحط مكياج اشبه بالبلياتشو وتعجّز جلد وشّها بالمواد الكيماوية المدمرة الموجودة فى ادوات المكياج (المستوردة ) !!

قبل ما تتعلم الرقص…فى مسرح الجامعة !

قبل ما تتعلم الهلس ..فى السايبر مع صاحباتها !!!

ابوس ايديك ….حافظ على بنتك !!

لأن هى دى الام فى المستقبل

…لو جيلنا مش نافع وراحت عليه…خلينا نزرع جيل جديد ..يبقى على ايده النهضة والنصر والفرج !

وطبعا انا لم اقصد من كلامى ان لا تخرج بناتنا نهائيا …بل بالعكس …تخرج ولكن بضوابط !
ضوابط تحافظ عليها …وتحفظ لها كرامتها وهيبتها ووقارها !

فلتذهب الى اى مكان
اماكن العبادة
اماكن العلم
قضاء حوائجها
…بعزة….ووقار…و(هالة ) تجبر الجميع على احترامها والتعامل معها باعتبارها …اخت قد خرجت …او ابنه قد ذهبت هنا أو هناك …وليس باعتبارها قنبلة الاثارة والفتنة فى الحارة …أو الشارع…أو مدرج الجامعة …أو مكان العمل !

وآه لو علمت النساء (المثيرات ) ما يقوله الرجال عليهن فى ظهرهن …آه
لعضت كل واحدة منهن اصابع الندم على (الصورة ) التى انطبعت فى اذهان الناس عنها !!

وفى التوجيه النبوى الشريف ..درس هام للجميع

عن أبي أمامة عن عقبة بن عامر قال:

- “قلت: يا رسول الله، ما النجاة؟ قال: “املك عليك لسانك وليسعك بيتك وابك على خطيئتك”. حديث حسن.

وليسعك بيتك !

كم تذكرت هذا الحديث خصوصا فى ايام الاجازات العامة!..وأيضا فى ايام مباريات كرة القدم الكبرى – محلية او عالمية – تجد الشوارع وكأن اهلها انتقلوا فجأة الى كوكب المريخ !!
مع سهولة تامة فى قطع اى مسافة بالسيارة مهما بلغ عدد الكيلومترات !!
وساعتئذ ..كثيرا ما تساءلت….يا الله …كم هى سهلة الحياة لو فقط لم يخرج الناس من البيوت الا بسبب !
وليس هذا التنطيط المريض دون هدف بالساعات من شارع لشارع لمجرد كسر الملل !
وليمش الجميع ماشائوا ..فوالله لن يملأ خواء الروح الا ما يرضى الله ..وليس الجلوس فى الطرقات ..ولا التسكع على نواصى المحلات ..والمشى هكذا …بدون هدف !!

وليتذكر الفرقع لوزات – والذكور ايضا …عشان محدش يزعل

هذه الآيات الكريمات
وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا (63) وَالَّذِينَ يَبِيتُونَ لِرَبِّهِمْ سُجَّدًا وَقِيَامًا (64) وَالَّذِينَ يَقُولُونَ رَبَّنَا اصْرِفْ عَنَّا عَذَابَ جَهَنَّمَ إِنَّ عَذَابَهَا كَانَ غَرَامًا (65) إِنَّهَا سَاءَتْ مُسْتَقَرًّا وَمُقَامًا (66) سورة الفرقان


أَفَمَنْ يَمْشِي مُكِبًّا عَلَى وَجْهِهِ أَهْدَى أَمْ مَنْ يَمْشِي سَوِيًّا عَلَى صِرَاطٍ مُسْتَقِيمٍ (22) قُلْ هُوَ الَّذِي أَنْشَأَكُمْ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلًا مَا تَشْكُرُونَ (23) قُلْ هُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ (24) سورة الملك

والى لقاء – بأمر الله
دمتم بخير

عادل حجازى