الـتـــــــــــالف

الـتـــــــــــالف

قدام الباب واقف يمشي و يجي واش بيه

يتسنا اللي يفتح يضحكلو و يرحب بيه

هذا كل ما يترجى و ربي يلطف بيه

على طول ما يستنى خيالو يسرح بيه

يتخيل راسو فارس و عودو مسرج ليه

راكبو بحيالة يفاخر الناس تنظر ليه

يدور عينو لكل جهة و الناس تصفق ليه

هكذا يبقى يحلم بالنهار و وقتو يمشي ليه

الناس للخدمة ماشة و هو الفراش لاصق فيه

ماتكفيه حلامة الليل و د النهار تحلى ليه

يا حليلي هاد خينا تالف و الزمان غادي بيه

السنين تدوز زربانة وراسو يشيب ليه

يلقى راسو ما دار والو و العديان تشمت فيه

نطلب ربي يهديه يدرك ما فات و يلطف بيه

مولاي إسماعيل آيت الحسان