مواضيع اليوم
العيب مش عليك العيب على اللى جابك
حد يعرف احنا عايشين ليه
طب حد عاجبه اللى عايشين فيه
طب مين يمكن يداوى الجرح
ومين ممكن نصعب عليه
الكل عمال يتكتك
والبيه عمال يتلكك
كل شوية موضة جديدة
واحنا عضمنا اتفكك
طيب يعنى ننتحر
عشان هو يشتهر
ولا نعمل اضراب طعام
عشان بينا ينشغل
الكل جواه بركان
ماهو الشعب سنين تعبان
فى بلدنا ومش لاقيين مكان
وقربنا نشتعل
بس وحياة اللى خلقك
لاهنأعد على قلبك
وهنربى فى احضانا اسود
هتنهش بكره لحمك
وبكرة يخلصونا
و ناسهم يحرسونا
بدل اللى نهبونا
ومأعدهم جوه عندك
اوعى تفهمنى ياللى اصدك
هو انا حتى جيت جنبك
ولا حتى اصدى عليك
دانا بلوم على اللى قبلك
اللى جابك مكانه
واللى شوه زمانه
العيب مش عليك
العيب على اللى خانه
ودا طبعا مش انت
وعمره ما هيكون انت
انت حتى راجل ذوق
والكرسى دا مش قيمتك
ياعم بيعه وخلص
وشوفلك كرسى دهب
ماهو الكل بقى اخرس
وبلدنا بتتنهب
العيب مش عليك
العيب على اللى جابك
ماله اهو زمانك
ورد وفل وياسمين
وبندعى لابو اللى جابك
خليتنا محرومين
مانت عمال تتلاعب
واحنا بنعيش فى ملاعب
العيب مش عليك
العيب على اللى جابك
انا اسف على كلامى
خايف لا يروح زمانى
لازم ليك انحنى
وعظمتك تتبنى
ما خلاص فى عهدك
ماتت منا الامانى
اوعى تفهمنى ياللى اصدك
هو انا حتى جيت جنبك
ولا حتى اصدى عليك
دانا بلوم على اللى قبلك
اللى جابك مكانه
واللى شوه زمانه
العيب مش عليك
العيب على اللى جابك
أضف تعليق
آخر الأخبار من إيلاف
من صوري
فيديوهاتي
التعليقات (0)