للريح مع جسم العنود حكاية العشـق المبـاح
........قدامهـا نصـف الحكايـه والختـام خلافهـا
وانا لو احكي نصف مما قالت انسـام الريـاح
.......يمكن يتوه الحرف بين ارباعهـا وانصافهـا!
يا ريح ابفشي ربع ما قلتي وابي منك السمـاح
......فا الجمله اللي طافت الشاعر وهو مـا طافهـا
الزين خمر معطرة والشاعـر عيونـه قـداح
.....ليا امتلت سكرت حروفه من سلاف اوصافهـا
وان عربدت نشوة بيوت الشعر انا مالي صلاح
......الذنب ذنب اللي عطت للريح عرض اكتافهـا!
كن الهوى يوم انتهك حرمة جسدها ما استراح
.......الا بعد ما مارس انـواع الشغـب باطرافهـا!
طاح الخمار اللي يغطيها ولا ادري كيف طاح
.......طيحة ملوك زعزعت من فوق عرش اسلافها
منظر ولا اروع منه فيه الليل عانقه الصبـاح
...........يوم انهمر مجدولهـا وازرى ينـوش اردافهـا
كن الهبوب تـدوره لا راح عنهـا ويـن راح
...............وليـا لقتـه تضيعـه وتــدوره ويخافـهـا!
من شاف قبلي سكرة تمشي على الحزم البراح
...........وثقالها مـا حنـت ورافـت بحـال خفافهـا
ريم تصيف في طرف نجد وتربع في رمـاح
...........وانا حياتي رهن تحـت رماحهـا واسيافهـا
ما تفرق رماح العيون السود عن سود الرماح
..........الا انها تدخل حنايا الصـدر محـدن شافهـا
هذا بعض مما حكته الريح فا الوقـت المبـاح
...........عنها وانا بيحت في شعري بربـع اوصافهـا