العمدة بن العمدة

أضف هذا الموضوع على مواقع أخرى

بقلم : منتصر سلطان محمد سلطان محمد 2009/6/17 الساعة 14:35 بتوقيت مكّة المكرّمة

العمدة بن العمدة
من يوم ما وعينا ع الدنيا واحنا بنتفرج على فيلم من علامات السينما المصرية .. فيلم الزوجة الثانية .. وبنشوف العمدة حيموت على حتة واد يورث العمدية ..يا سيدى انا .. ايه الجمال ده يا أهل مصر .. أستغربت من منطق العمدة .. فرجعت لكتب التاريخ لقيت ايه يا واد يللى حتودى نفسك ف داهية .. لقيت ايه يا منزفت على رأى الغالية امى ..لقيت ان مصر من يومها موكوسة .. اسف اقفصد موروثة من عم الفرعون الكبير لعم الفرعون الصغير من الاسرة السبعتاشر للأسرة التمنتاشر واهى ماشية وزى الفل حتى لما عم عبد الناصر هو وزملاته قاموا بثورة قلنا اهى حتتعدل لكن يا فرحة ما تمت قاموا شوية من ظباط الثورة ظبطوا اللى عاجبهم فى مصر نوع من الوراثة برضة .
وجايين دلوقتى نقول ملينا وفاض بينا الكيل .. مش بقولكم طول عمرها موروثة .. النهاية ياترى حروح البيت النهاردة ولا لأ .. مش مهم يعنى هو البيت فيه ايه غير المشاكل على مصروف البيت مع سيدة البيت الاولى .السيدة المصونة حرمنا مش حقلب الدنيا كلها مرة واحدة خلينا نحارب فى جبهه جبهه
احنا كنا بنقول ايه .. اه الورث
هو ببساطة كدة مين احسن واحد يمسك العمدية هااااا قولوا مين .. ! بن العمدة شطار يا بلد هو بعينه بن العمدة
لكن بن عمدتنا ملموملوه على شوية عيال فسدانين وخايفهم يفسدوه .. او يقسوه علينا ويقلولوه ايه الاوباش دولة ويقوموا مولعين فينا عشان العدوة .. استرها يارب دا احنا غلابة
وبعدين مش جايز شوية العيال الفسدنين دول يخونوا الواد بن العمدة ويعملوا فيه شوية حركات مش ولابد يعنى يولعولوه ف الدوار مثلا .. ولا يطخوله الركوبة وهو ماشى ع الترعة .. استرها على ولايانا يا رب ..
ربنا يسترها قولوا امين
احنا عايزين نقول لزينة الشباب الواد بن عمدتنا اللى حيبقى عمدتنا غصب عن عين اللى جابنا .. اقعد مع الناس كلمهم عشان يحبوك ويطمنوا انك مش حتولع فيهم انت وزملاتك ..
وعشان لو شافوا حد ناوى يخونك ويطخ الركوبة وانت ماشى ع الترعة تلاقى حد يدافع عنك .. فاهم يا بن عمدة بلدنا
وباى باى دلوقتى عشان شكله شيخ الخفر بيخبط ع الباب .. خير الهم اجعله خير يا رب .. ونكمل بكرة بعد صلاة العشا
منتصر سلطان محمد
اسوان السيل

هل أعجبك هذا المقال؟

للحصول على أهم وآخر الأخبار أدخل بريدك الإلكتروني الآن: